|
قصيدة
يـــالله يامعبـود يامنـان ***** بديـت بـك يـامـنزل القـــرآن
لانك الصمد كل الخلايق تطلب ***** منك العفو والصفح والغفران أنت العـزيــز الواحـد المتكبـر ***** في كـل يـوم يـاولي لك شــان حتى الجبال الصم تلهج باسمك **** معها الوحش والطير بو جنحان من عظمتك كل حاجه اتسبح لك ***** غير العنيد من البشر والجان يــانـاشـد عني وبتخــاويني ***** الطيب ورثــه من على الجـدان علمي قديم وساسه المتسلسل **** ما هي سوالف كان يـاما كان ابوي ياشخص الكرم والحكمه ***** رشيد اشهر من جبل حــوران يمشي على درب رسمه الشايب **** ومن يسبق محمد على الضيفان وابوه راعي البل عريب المجنا ***** ياجــاهـل علي بن خشمـــان بن هادي ابن هويدي ابن هويمل ***** قوم لهم في السابقات حصان حنـا هـواملتن مجـد ومـاضي ***** والحـاضـر مشـرف وله بـرهـان ومن بعـدهم يـاسـامعين ، محمد ***** ولـد فـرج والحق له عنـوان عقبه فـرج شيخ علينـا ذكـره ***** فـرج فـرج تنسب له الفـرجان بعـده حسن كم من قبيله بـاسمه ***** وكـم بعـدو قـوم عن الحـدان وصهيب ابـوه وسـالـم عـمِ له **** عيـال زايـد عـزوة الاخـوان في صفحة التـاريخ ذكـرِ شـايع **** عـون الـرفيق وفي اللقا فـرسـان يـاطيب ربعي والعـوارف تشهـد **** كم شيخ قـوم طـاح في الميـدان يشهد لنا شـاعـر عتيك الاول **** ثـابت بن قطنه طليق لسـان يمدح بني عمه على نصـرتهم ***** مدرك بن مهلب ذرى الشجعان ( ألم تر دوسراَ نصرت أخاها )**** يوم ارتفع ذكره وحظه زان يوم جمعت قوم التميم لقتله ***** بامر من الوالي ابن مروان ما سلموا مدرك الى عدوانه ***** حموه بالسيف الحدب شامان أهل المهار الضمّر العتيقه ***** مطلب ملوك القاهره واسوان ( عليها كل أصيد دوسري ) * **** عـزيز لا يفـر ولا يهـــان هم أخوة الأنصار أوس وخزرج **** كم عالم سجل لنا تبيان نسل الملوك مزبنين الخايف ***** ابن العتيك وجدهم عمران بن عمرو بن عامر مليك المأرب **** الدوله اللي ملكها يمان كم انجبت من دولة معروفه **** أمثالها في ما مضى غسان عيال جفنه والكتابه تبقى ***** امزاحمين الروم في الاوطان اقولها وافخر على جاحدها ***** والا الفخر في صادق الايمان أعـد علم ثـابت تــاريخـه ***** بين الـرواه وصـادق الشيبـان وكل القبايل ثابت مصدرها ***** لو كان نسيو في بعض لاحيان أجيال عقب اجيال في مسكنها **** ما جو طروش من ورى طهران وصلو على خير البشر والمنسب **** محمد رسول الله ولد عدنان كتبها / فايز الهوامله |
رد: قصيدة
صح لسانك يابن هويمل وصح لسان ابن عمك فايز
بن هادي ابن هويدي ابن هويمل ***** قوم لهم في السابقات حصان حنـا هـواملتن مجـد ومـاضي ***** والحـاضـر مشـرف وله بـرهـان |
رد: قصيدة
يسلم بنانك يابن هويمل وصح السان شاعرها ماهيب غريبه عليكم يالنشاما تقبلومروري
|
رد: قصيدة
اشكركم يابو ظيف الله وياتاج روس السلاطين على الكلام الطيب ،،،، أنا قد يئست أحسب أنهاما أعجبت أحد
|
رد: قصيدة
أعـد علم ثـابت تــاريخـه ***** بين الـرواه وصـادق الشيبـان وكل القبايل ثابت مصدرها ***** لو كان نسيو في بعض لاحيان أرحب ياهويدي صح لسانك ولسان فايز والقصيدة تعدت حدود الجزالة ولا يكتبها إلاّ شاعر صح لسانك مرة اخرى وتقبل ودي وتقديري ،،،، |
رد: قصيدة
بيض الله وجهك اخوي راشد المسعري ،،، وأشكرك على المرور والثناء ،ولا عدمتك
,,,,,,,,,,,,,,,,,,,,,, |
رد: قصيدة
صح لسانك يابن هويمل وصح لسانالشاعر فايز على هذه الراائعة
بيض الله وجهك على نقلها لنا |
رد: قصيدة
هذا هدف من أهداف الموقع وهو إبراز ما يوجد عند الآخرين من إبداعات لم يحالفها الحظ في الظهور ،،، وأشكرك أخوي أبو شافي على المرور والكلام الطيب
|
رد: قصيدة
صح لسانك يابن هويمل وصح لسان ابن عمك فايز
|
رد: قصيدة
صح بدنك يابو راشد ،،، ويعطيك العافية على المرور ,,
|
رد: قصيدة
اشكرك جزيل الشكر على النقل
تحيااااااااااااااتي لك |
رد: قصيدة
أشكرك يابو راشد على المرور ,, ويعطيك العافية
|
رد: قصيدة
بن هادي ابن هويدي ابن هويمل ***** قوم لهم في السابقات حصان حنـا هـواملتن مجـد ومـاضي ***** والحـاضـر مشـرف وله بـرهـان في ذمتي كُفـــو يا بِني عمي وعلومكم غانمه ومشهوده صح لسان ابن العم الشاعر / فايز الهوامله وبيض الله وجهه لاهنت يا ابن هويدي على النقل .. |
رد: قصيدة
الصفحة بيضاء لا أعرف بم علقت ،،،، لكن بيض الله وجهك على المرور والكلام الطيب الذي أتوقعه منك
|
الساعة الآن 12:14 PM
 |
Powered by vBulletin® Copyright ©2000 - 2025, Jelsoft Enterprises Ltd.
---