::: مـنتدى قبيلـة الـدواسـر الـرسمي ::: - خطلان ليدي صلاب الروس قومٍ عظام

- :: قسم إبداعات شعراء المنتدى ومساجلاتهم :: (http://alduwaser.org/vb/forumdisplay.php?f=17)

- - خطلان ليدي صلاب الروس قومٍ عظام (http://alduwaser.org/vb/showthread.php?t=63909)

خطلان ليدي صلاب الروس قومٍ عظام

تشرفت هذا اليوم بإلقاء هذه القصيده في حفل تكريم الاستاذ الشاعر القدير نايف بن مسرع الدوسري .

يالله ياللي بفضله كل شي تمام=أجزل علينا العطا وأسبغ علينا النعم
في دولة الأمن والإيمان دار السلام=الدولة اللي معاديها دحر وانهزم
بقيادة الحر أبو متعب رفيع المقام=اللي تفاخر به الأمة جميع الامم
وأيضاَ ولي العهد سلمان نجل الإمام=من دون حد البلد ياكم وقف والتزم
نيابة عن عوال الصقر مبدا الكلام=جينا من ابني شهر قومٍ ينومَس بهم
في مقدم الصف بن صمان شيخٍ همام=ابو فهد بين فعله بوقت الزحم
علي ليا شبة الفتنه يفك الخصام=للواجب الي يجملنا يسوق القدم
ما جابنا إلا غلاكم يا الرجال الحشام=بعد المسافة وكثر أشغالنا ما تهم
ومن بعدها يا سلام يا الدواسر سلام=سلام من خاطر صافي يخص ويعم
قبيلة غالية يا جب لها الاحترام=الله رفع شآنهم والله رفع قدرهم
تستقبل الضيف بالترحيب والابتسام= والبن والعود لزرق والشحم واللحم
خطلان ليدي صلاب الروس قومٍ عظام=إلا علي الحرام إن كلهم ونعم
الجار توسم عصاه بسلمهم ما يضام=ويزبنون الدخيل إليا تعزوا بهم
أمجادهم مثل نور الشمس جالي الظلام=تمسكوا بالعوايد والشيم والقيم
بالسلم سطوة وفا بالحرب سطوة حسام=ما ترحم المعتدي وتقدر المحترم
الغمر فيهم بفضل الله يفض الزحام=رَبَوْ على العز والأمجاد تزهى بهم
ولا ايش خلا الدواسر في مصاف الغمام=إلا الثقة والحمية والوفا والكرم
واليوم تكريم بن مسرع حفيد الكرام=رجل فعوله بتشهد له وأنا اقسم قسم
محدٍ بيلحق محاكيكم بمدحه ملام=اللي بجزل القوافي والمعاني نظم
الحر نايف على رووس النوايف وحام=وإن هد جاب الفرايد وصف وإِلا حكم
شاعر عن المخطية شامت حروفه وشام=أنقى من الغيم لَبيض بالسما لَرتسم
خذ زبدة العلم يا نايف ومسك الختام =مثلك وشرواك كلَّ اَلأزد تفخر بهم
وصلاة ربي على سيد البشر والأنام=نبينا المصطفى وأمته خير الأمم