أبتدي بسم الذي بمره نصوم =واحد ن لرضاه خلقه صايمه
ياسلام الله عليكم يالقروم =بالعدد ما هبهبت نسايمه
وعد رمل بالذواري والحزوم= من هجوس ن بالمشاعر هايمه
مرحبا بأهل المروه والعزوم =ربعي اللي با للوازم زايمه
ابتدي به بالمعالي ثم اروم =للسعاده واصله عزايمه
وللمشائخ واهل المدا عموم =ولجار دار نفخر بلزايمه
هاجسي لاجاه للماقف لزوم =يسرج القيفان محدن لايمه
عن ردي القاف والمعنى يشوم= وللفرايد دوم نفسي رايمه
والضماير عد وطيوره تحوم =لاحداها القيض وسطه عايمه
الفياض اللي على جوه غيوم= جعلها يالله دوم ن غايمه
فالديار اللي عسى عزه يدوم =حكمها في شرع ربي قايمه