|
(العمر المتساقط) .
(العمر المتساقط) . . ياحببيبي لو نسانا الحظَّ في درب الظلام ..........كيف نقتل دربنا ونْسير في باقي السنين . . كانت الاحلام باب وْكانت الدنيا حمام .............وكان ريش العمْر يتْساقط من الحسره حزين . . طار عشَّ الحلم ماعاد الشجَر ينبت سلام ..............يا اراضي الجرح صرنا في دروبك تايهين . . الليالي ضيق وعْيوني حزينه ما تنام ..............من يجي يهدي لضيقي فرحة ٍ أو ياسمين . . في رصيف الذاكره مرَّيت يخْنقني الكلام ..............طاح قلبي تحْت أقدام الوجوه الراحلين . . ياحزن ماتدري إنِّ الضرْب في الميت حرام ............والحرام انك تزيد الضرْب وتْصحِّي الانين . . ( الأماكن ) كيف أغنيها وانا كلي حطام ..............ياكثر ما كنت اغنَّي في شواطي الحالمين . . ذاب في صدري كلام وْسال من صمتي غمام ...............ومابقى غير الحروف اللي بدمِّي لك يقين . . ملَّ عمري يحْسب الخيبات عام ٍ بعْد عام ..............ضايقه وْكلي حزينه .. جرَّح عْيوني الحنين . . ياحبيبي لو نساني الصبح في درب الظلام ..................بشعل ضْلوعي شموع وْبنطرك خلف السنين . . شعر : وادرين . |
رد: (العمر المتساقط) .
ياسلام
صح لسان الشاعره وادرين وسلمت يمينك ع النقل الرائع تحياتي وتقديري |
رد: (العمر المتساقط) .
اول مره اسمع بهالشاعره
لكن اهنئك .. ابيات حلوه والله يعطيك العافيه تحياتي |
رد: (العمر المتساقط) .
تناهيد لاهنتي للنقل الرائع بس بسألك عن اسم الشاعر والا شاعرة ؟؟
تسلم يمينك |
رد: (العمر المتساقط) .
يعطيك الف عافية على النقل الرائع
|
رد: (العمر المتساقط) .
انا حالي حالكم ماعرفتها ألا من هالقصيدة
لكن من خلال بحثي تبين لي انها شآعره إماراتية سعدت جدا بمروركم الغالي واشكركم من قلبي |
الساعة الآن 08:59 AM
 |
Powered by vBulletin® Copyright ©2000 - 2025, Jelsoft Enterprises Ltd.
---