يالله ياللي منك كل النفوس امسيره

يارقيب الخلق يالدايم الحي العليم

دلنا يارب نهج الدروب الخيره

لا تجنبنا طريق الصراط المستقيم

ساعتن فيها عقول الملا متحيره

كل نفسن ترجي العفو منك يارحيم

نعرف اهل الخير واهل القلوب النيره

تقتدي بالحق ماهوب ببليس الرجيم

لا بلا الانسان شيٍ دهاه وغيره

مشكله يدخل بها حرف سين وحرف جيم

ان شكا للي مايدري بوضعه طيره

مايدبر له طرف حل تفكيرٍ ,, سقيم

غير من قزاه سقمن دفين وذيره

طاوله من مصدر البغض شرن مستديم

يعرف انها حاجتن واقعه ومصيره

من يدينن صيرت شي وجدانه عديم !!

جعل من يخفي شعاع الوجيه الخيره

يبتليه امفرق الجمع ,, شداد المقيم

اخواني الاعزاء

راشد المسعري ,, شافي بن راشد ,, ظافر الامير

لاهنتوا وتشرفت بمروركم الكريم وصحت ابدانكم