بنظـم الأشعـارْ في ذكر حي لا يمـوتْ=العظيـمَ الواحْـدَ اللي على العرشَ استـوى
مخـرجٍ ذا النـون من ظلمِةٍ في بطن حـوتْ =وخالقِ الْنا الكُونْ كلَّه ويَعلم ما احتوى
هاذْ مكنونَ القريحـة ، ونظَّمـتَ البُيـوتْ=حاجْةٍ منهـا ضميـري تَأثَّـرْ وانكـوى
العقيدةْ في خطـرْ والمناهـجْ فـي شتـوتْ=والكتـاب وْسنـةَ المصطفـى راسَ الـدُّوا
يا هَـلَ التوحيـدْ كونوا على المنهجْ ثبـوتْ=وْخالْفُـوا نهـجَ الجهالـةْ وعُبّـَادَ الهـوَى
عن طريـقَ اسْفلافكـمْ مركبتكـمْ لا تفـوتْ=كلْ مَـن خالف طريـقَ السلف ظلْ وْغـوى
وقُـوْةِ التيـارْ تخلـفْ مَسـار الجيلبـوتْ=ويَبلَـش البحـار ويتـوهْ فيهـا مـا قُـوى
يا هَـلَ التوحيـد دوسوا على راسَ الشُّموتْ=خلـوا الشمَّـاتْ عطشـان منكم ما ارتـوى
خلُّوَا الإخلاصْ منهجْ وْلأهـل الحـق قـوتْ=مَن سَرَح في الصيفْ مـن غير قِربةْ ما ضُوَا
لَلهـدى والعلـم لا لَلتفاخـرْ والنعـوتْ =واللهْ أنّ الجهـلْ والعلم ما صـارت سُـوى
مـن بنى نهجـه على الجهل مثل العنكبـوتْ=زخرفـتْ بيـت الكِسافـةْ وطيَّـرها الهَـوا
يا هَـلَ التوحيـدْ ما هي بْكشخاتَ البُشوتْ=عانـوا الثعبـان غدَّار بيَّـت وانطـوى
ادمغـوا راسُه وشـوتـوه بالأقـدامْ شـوتْ=كيف أنام وأسـوَد الدابْ في الرِّجْلَ التـوى
لا يجي لَلرافضـي مع هَـلَ التوحيد صوتْ=خالفـوه وكـل ما قـال قولـوا لـه لُـوى
وانشـروا توحيدكـم في المدينـةْ والخفـوتْ=العمـلْ نيـةْ توكـلٍّ يحصِّـل مـا نـوى
دافعـوا عن منهـج الحقْ ما هُـو بَالسكوتْ=استعينـوا باللهْ اللي فَلـقْ حَـبَّ النـوَى
واصدُعـوا بَالحـقْ والرَّجُلْ فيكـم لا يلوتْ=ْكلْ شيطـانٍ علـى هامْتِـهْ نجـمٍ هـوى
معشرَ الإسـلام ما هِي بجلسـاتَ البَلَوْتْ=تقـوا نـارٍ تْمَـزِّعْ معاليـقَ الشـوى
لا يضيـعَ الوقـت بين المعاصـي والنكوتْ=مْ يِجيـكَ المـوتْ والقلبْ غافل ما ارْعوَى

المشاركة الأصلية كتبت بواسطة حمد ابن فهد (المشاركة 710659) أبوشالح أسعد الله اوقاتك بكل خير صح الله لسانك واعتلى شانك

المشاركة الأصلية كتبت بواسطة محمد راشد النتيفات (المشاركة 710671) ابو شالح لاهنت على نقل القصيدة الرائعة تحياتي

المشاركة الأصلية كتبت بواسطة مبارك بن شافي النتيفات (المشاركة 710802) صح لسانك ولسانه ولاهنت على النقل الرااااائع تحياتي وتقديري

المشاركة الأصلية كتبت بواسطة بنت الذيب (المشاركة 712616) صح لسانه وتسلم يمناك اخوي شافي ولاهنت على روعة اختيارك

المشاركة الأصلية كتبت بواسطة ابتسامة دفى (المشاركة 712651) صح ابدانك وطاب فالك و صح لسان شاعرها وتسلم يمين ناقلها الْلَّه يُعْطِيـــــك الْف عــافِيَّة دمت بهذآ التميز وآكتر لك أرق التحايـآآ http://dc14.arabsh.com/i/03005/87xwkqg3rj87.gif