مجمل ياوقتي والشقا يظهر الرجال=ولا به حدن في وقتنا يعتبر كامل
كشف وجه خلان المصالح سراب الال=وسقط برج هيبة راعي المنطق الخامل
كفايه يطعنات الخناجر وضيق البال=هذا البعد تأمينه على اشكالهم شامل
لوان الصدور تفوح من عيلة العيال=مابانت مع وجه الشقا ضحكة مجامل
خذ العلم مني يازمن والركاب هزال=سقاط العرب يكفيك عن ضولهم صامل
تحملت طعنات الخناجر وصبري طال=اجامل وبعض حيان ماودي اجامل
لذا ياقليلين البصاير بدون اجدال=الامال ماتت في رجاء كف متامل
من العام شرهات المواقف لها موال=ضروف الحياة تعجز الشيخ والعامل
حدتنا تجاعيد السنين وخطاء الانذال=وناس تخبط فالهجيني مع الزامل
مقادير حال وحال حوله ولا يحتال=تثاوى بها المضموم وتربع الهامل
مفاهيم ناس وجرح وقت الشقا غربال=وعثرت صديق طبق البوخ بالكامل

المشاركة الأصلية كتبت بواسطة فارس الدبالين (المشاركة 707053) ابوسالم يسرني اني اول من يرد على هذه اللوحه الفنيه المزينه بالذهب صح لسانك يامنبع الجزاله تقديري واحترامي .