تسلطني يانجد في عهد سطام = ومجد الملوك اللي يشرف بلدها
من الحجاز إلى حدودك مع الشام = نعم عليها للوطن طول يدها
عفواً دمشق أصداء صوت النبأ الهام=وعواصم الإسلام محدن جحدها
عفواً حضارة مصر لاهان الإعلام = لا ثار فتنة ثارة اللي بعدها
وأمجاد الأمة بين باني وهدام = نكبة عسى ما تجمع أمر وادها
عسى العروبة تتحد طول الايام = يعود عز أمجادها من مهدها
يقوم حظ أنصار الإسلام ويقام = صدر العصور اللي يذعذع سعدها
أمثال سيف الدين في ابطال الإسلام = محمود بن ممدود نصرها مددها
وسعد بن ابي وقاص مع كل مقدام = ثروة رصيد حسابها من عددها
واليوم كثر اللوم تبرير الاحلام = وشلون يعطي الحاجة اللي فقدها
طال الصبر ورى متاهات الاقزام = أعداء وبيت الداء يحضن ولدها
يوم السعد قدام ونقول قدام = على حبال السانية من عقدها
عز ابلج ماشجعه مال ووسام = إلا عيون السنة فدى رمدها
عسى مراويح السعد كل ماحام = طير السعد يسبق مطرها بردها
وتسلطني يانجد في ظل من رام = صعب المعالي لين سموها أسدها
سطام بن عبدالعزيز بن الإمام = ومجد شذاه النود عطر جسدها
شموخ عزه ساد ماساده اعلام = على الحقايق كلمته في وعدها
يانجد دام اليسر والعسر ما دام = ويالله من الخيرات والأمن زدها