::: مـنتدى قبيلـة الـدواسـر الـرسمي :::

- :: قسم الـشعر العــام :: (http://alduwaser.org/vb/forumdisplay.php?f=16)

- - ذكرت ربعي ( اهل المدا ) (http://alduwaser.org/vb/showthread.php?t=61963)

ذكرت ربعي ( اهل المدا )

قصيدة جميلة للشاعر الكبير محمد بن هزاع البليهي ال شماس الودعاني

القصيدة في اهل المدا " الشماسية " بعد انتقال شاعرنا لمنطقة الاحساء

وبعدها لمدن اخرى

ذكـرت ربعـي يـوم جـربـت الأجـنـاب

أهـل الوفـى وأهـل السخـا والشهامـة

ربعـي هـل المـدا إلــى غـلـق الـبـاب

الضـيـف يلـقـى حشمـتـه والـكـرامـة

أخطيـت ميـر الـيـوم مـذنـب وتــواب

عـذر البليهـي بصمـتـه فــي إبهـامـه

نرجي السموحة من عريبين الأنساب

غلـطـت والغلـطـان شـــاف الـنـدامـة

مـن عقبـكـم طقـيـت بــاب ورا بــاب

واثـــر الـنـوافــذ مـغـلـقـات بـجـامــة

اليوم ما لـي عـن هكـا الحـي مجنـاب

مخـطـي وتلحقـنـي عـلــوم الـمـلامـة

يا عزوتـي نـور القمـر عقبكـم غـاب

ولا تتـركـون الـعــود يـبـلـع هـيـامـه

مـا دام جسمـي رافـض ٍ كـل الأطبـاب

أمــوت فــي جـــو ٍ شـربـنـا ريـامــه

يـا مـل قلـب ٍ بالحـشـا يلـعـب إلـعـاب

كـسّـر ضلـوعـي لـوجـتـه وابـتـرامـه

لا لاج يقـدح مقـرن الصـدر باحـراب

لـــوج المـبـرمـج لا تـطـلـق لـحـامـه

وان اجتمع مع مسرب البيب وانساب

هــز الـقـواعـد وانـفـجـر بانقـسـامـه

لا تتـركـونـي بـيــن مـايــج وكـــذاب

وصلتـكـم والـعـود هـزلــت اعـظـامـه

ننصى الرجال اللي يسوقون الأرقـاب

والاجـنـبـي مـــا سـرنــي بابتـسـامـه

لا بد ما نعـرض علـى حـق واحسـاب

والقبـر نـذكـر وحشـتـه مــع ظـلامـه

نمشي على نجم الجدي مـا بالانشـاب

ابْـحِـرْوَة الـلـي يـقـهـرون الجـهـامـة

الناس صاروا ضدي أقسـام واحـزاب

والحوت مـا نبـت الشعـر فـي سنامـه

فقـدت ربعـي كـل شـيء لــه أسـبـاب

والـراس يجـزي يـوم تخـلـف منـامـه

كني قريص حـس فـي قضـع الأنيـاب

يــا دق نيبـانـه ويــا كـبــر هـامــه !!

وطـاه باليسـرى علـى راس مـرقـاب

أســود وراســه كـبـر راس النـعـامـة

المـوت قــرب والحـشـى فـيـه نـتـاب

والــروح بيـديـن الـعـزيـز الـسـلامـة