حان الوعد والعلم مامنه صدات=يا ابنا الدواسر يالرجال الابية
ياهل المواقف لاغدا الوقت غارات=وقفاتكم تعرف من الجاهلية
ياهل الحمية في الظروف الشديدات=ياهل الاوايل والسلوم الوفية
ياكم لكم بالطيب صولة وجولات=ما احدا سبقكم بالفعول الطرية
تكفون ياربعي رجال الصعيبات=ياهل الفعل واهل اليد الحاتمية
انتم رجال ماتبون الدعايات=وانتم هل الطالات واهل الحمية
هل خمسة وعشرين مليون ماجات=الا لكم من دون زهم اوصية
في اسبوع واحد جات ياهل المروات=من كل كف في المواقف ندية
ياربعنا اللي تنعرف في المهمات=اليوم يوم الوقفة الدوسرية
البيرق اللي في ديار الامارات=نبيه من كسب الدواسر هديه
نبغى نضيف انجاز ضمن البطولات=ويرفع هنا في ديار نجد العذية
اشوف له في كف نايف علامات=مايجلبه كون اليدين السخية
نايف وقفله وقفة ترضي الذات=اعطتله اللجنة وسام وتحيه
شاعر ولايحتاج لحدن شهادات=مجموعته صعبه وقاد السريه
وقف لها ابومعزي وقال هيهات=انا اشهد انه مايجيب الردية
ذكره بياخذ له سنين طويلات=في ابوضبي وبكل دار ونحية
وبشاطي الراحه وضع فيه بصمات=اللي وقف به وقفة ن عالمية
كل يوقفله ولابه مراوات=بالمال والا رفع للمعنوية

المشاركة الأصلية كتبت بواسطة نايف الفصام (المشاركة 700987) الله الله الله الله الله الله الله الله صح لسانك ياشافي لين ترضى .. صح لسانك منا لماله مدا الصراحه ماهي غريبه عليك الوقفه وحميتك فلا جديد ولا مستغرب من شافي النتيفات وأن شاءالله ان ابو معزي كفو وربعه كفو والبيرق دوسري ان قاله الله لاهنت ياشافي وبيض الله وجهك ... كل التقدير لك والاحترام

المشاركة الأصلية كتبت بواسطة مبارك بن شافي النتيفات (المشاركة 700989) صح لسانك يابوراشد على هذه الراااائعة وباذن الله ان البيرق دوسري

المشاركة الأصلية كتبت بواسطة عبدالرحمن الجبابرة (المشاركة 701033) السلام عليكم ورحمة الله وبركاته شاعرنا المميز والمبدع / شافي بن راشد النتيفات صح لسانك وسلم بيانك وبيض الله وجهك على الموقف الوافي قصيدة شامخة بشموخ مبدعها وبشموخ من صيغت لأجله لاعدمناك .