أنا اشوف بعض الناس عرفه معرفة يوم=يعزك ثـلاث ايـام والرابـع يصـدي
على غفلة الغافل حياتـه يشـن هجـوم=مثل من يجيب العلم ياخضيـر ويـودي
طبيعه خبيثه مير صارت طبايـع قـوم=وانا اللي وقعت بعرفهم والهواء ضـدي
يغيب القمر وسهيل يطلـع وراه نجـوم=وأنـا خابـرٍ ماهـوب ودك ولا ودي
خباث المظاهر يالعتيبـي علـيّ تقـوم=وأنا اترك ضعيف النفس لو كان متحدي
أحاول بكل البعد من الأجرب المهيـوم=حليْو اللسان اللي عن الطيـب مرتـدي
ولكن على ماقيل مالك عـن المقسـوم=حصانٍ بلقّمْه العنـان .. ولقـم يـدّي !
مثل من تعب يبغي يحل لغز ابن مكتوم=قصد واختلف معناه في صيغة الـردي
وسقت الركايب لك يامـدرّس الدبلـوم=على شان تفهم غاية الوضـع وتـردي
وتصبح سفينتنا على ساحل الخرطـوم=ولا يعترضها راعي الجـزر والمـدي
قضية حسين الدوسري شكلهـا محسـوم=تسيطر عليها وانتصـر طيّـب الجـدي
بغـى يقتفيـه بغفلتـه خنجـرٍ مسمـوم=وتماكن عليه وسـدده عكـس واستـدي
ولا يعتبر في عرفنا المنتصـر مهـزوم=ولو صاح بأعلى الصوت ثم بيّح السدي
وانا عارف إن الدوسري ما مشى منجوم=ولا أظن مثل حسيـن يحتـاج لمقـدّي
مجرّب وراع التجربه مـا يبـي تعلـوم=يخوض البحور ويفرق الهزل والجـدي
وأشوفه من اللي صار بالمجتمع مصدوم=تغيّر عليه الوضـع والوضـع متـردي
كثر في زمانه زارعين البصل والثـوم=قطيعه قطيعه .. واختفـى زارع النـدي
لمست الغضب في مبتدى حرفه المنظوم=ولو غلّف الموضوع بإسلوبـه الـودي
وأنا اقولّه ياحسين بالك تجـي مهمـوم=ولو شفت قرص الشمس من فوق مسودي
وترا المجتمع لازال عنده وفاء وسلـوم=على قد ماتاخـذ مـن المجتمـع تـدّي

وانا عارف إن الدوسري ما مشى منجوم=ولا أظن مثـل حسيـن يحتـاج لمقـدّي
مجرّب وراع التجربه مـا يبـي تعلـوم=يخوض البحور ويفرق الهـزل والجـدي

المشاركة الأصلية كتبت بواسطة ** الشرافي ** وانا عارف إن الدوسري ما مشى منجوم=ولا أظن مثـل حسيـن يحتـاج لمقـدّي مجرّب وراع التجربه مـا يبـي تعلـوم=يخوض البحور ويفرق الهـزل والجـدي أخوي \ الواضح من طول الغيبات جاب الغنايم.. صح اللسان الشاعرين .. وصح الله اللسانك ولاهنت اخوي الواضح وننتظر جديدك... تقبل تحياتي..

المشاركة الأصلية كتبت بواسطة محمد الغريري الواضح يعطيك العافيه على نقل هذه المساجلة الشعرية الرااائعة والممتعة بين الشاعرين القديرين حسين بن ضيف الله الكبرا وخضير البراق .. وشاكرين لك جهودك يالغالي في المنتدى .. تقبل تحياتي .. اخوك في الله محمد الغريري