يامل قلبٍ على المنهاج يشتاق=يشتاق ويهيضه بعض الطواري
يتوق مثل الوحش بالسبق لا تاق=يتوق شفقٍ على شوف البراري
سج القدم وسعةٍ للصدر لا ضاق=الله يازين لذات المساري
خصٍ الى شفت نوٍ فيه براق=لاقام يوضي بنوره فالغداري
جعله على ديرة المحبوب ينساق=عقب المحل تمتلي منه الخباري
يسقي وطن صاحبٍ بالعهد ماباق=اللي فراقه على غير اختياري
من دون شوفه عرض لي بعد وفراق=واليوم عن نيته مانيب داري
مريت داره قبل تلتم الاشفاق=لاذي رموسه بنت فيها الذواري
وقفت انا فيه ماعندي تحقاق=تغيرت واختفت عنها الاثاري
ياعاذلي كف عذلك مالي اخلاق=العذل ماهوب يامسلم جباري
حلفت ماسج من تلعات الاعناق=لو كان منهن بعد ماخذيت ثاري
عيني شفوقٍ لهن والقلب محراق=قلبٍ غدا بين بياعٍ وشاري