عفا الله عن قلبن قضاله ثمان ايام=يمسيه همه والمخاليق ممسيني
خليّ الفؤاد اليا توسد يمينه نام=وانا لابغيت النوم همي يسريني
تخاوى خيال الموهبه مع فضى الالهام=وسجل على لون السما له عناويني
يترجم معاني شرهة الخاطر المنضام=وصدمة شعورن بالهقاوي يقديني
ليامن تثلم سيف عزمي وصد وزام!=طلبت الله المعبود بانه يقويني
والا يازمان الياس يالساطي الهزّام=دخيلك من الصكّات لاعاد تعطيني
كفاني جروح وحزن ومصامدت لسقام=وكفا ماحصلّي طالبك لاتقاصيني
والا ياحزامي لاغدا للرجال حزام=والا ياعصابة راسي وساعد يميني
ترا المهرة اللي تصطفق دون شد خطام=تخونك ليا غارو عليك العدويني
مثل كلمتن ماحسبت لومة اللوام=وهي تلمس جروح القرايب والادنيني
سهوم الخطا لاجت من الكفو كسر عظام=ولاجات من غيره ترا ماتعنيني
وهدير الجمل فالمعضله مايعود رزام=وسود الليالي ماتهيب السراحيني
واذا حمل راعا الحمل مشقيه بالدرهام=ترا ماحصل شين يحده يجافيني
يريح متونه من عنا الحمل والاقدام=ولاعاد يقبل بالمياسم ويكويني
ترا الحر لامن حس بالضيم شام وحام=وخلا البسيطه وارتفع بالجناحيني
يعوضه معانق نايفات السحايب دام=زمانه يفاجئه بقصور الوفيني
ولنا الله يارجلن يجيني مع الاحلام!!!=ليا صدو الادنين مالله مخليني