سلام تسليم الشرف للطوابير= من قبل يورد عدنا صيدليه
اعيدها مليون مره مسا خير = على اللذي موجود جاله تحيه
ربعاً تنومس بعضها والتباشير= وجووههم بالنور تسطع جليه
اقولها فخر حباً وتقدير = اللي عرفهم على المدى واهنيه
في غمضةً للعين واسرع من الطير = بو لمن له عزوةٍ دوسريه
من دون نصاً للقبايل وتقصير = فالكل واقف تحت رايه عليه
من حال ابوعمار لاحد خرخير = منبع شروق الشمس لاسد ليه
في ضل ابومتعب ترا وضعنا بخير = الدين واحد والوطن والهويه
يوم غيرنا طاير بعصر العصافير = الشعب ترجم زنقته مالبليه
اليوم في حفل الرجال المناعير = الراس شامخ والمعاني مطيه
اسوقها والدعم كلامي بتقرير = يشبه لهمال السماء بالنشيه
نرسم حروف العز مد ونواوير = قدمتها للي جمعنا هديه
راجس حفظ الله صروف المقادير = الله عطاه الطيب من حسن نيه
فالح تراحيبه تجلت من الغير = احفاد نجبان والوفاء والحميه
اخوان بورسام نعم المغاوير = صغيرهم مايوم يكسر خويه
من هو قصدهم همه انشال وصغير = الله ميسر ما عسر في شويه
ما عندهم مقبول كثر المعاذير = نار كرم ما تنطفي مشعليه
اهل المعاني والقنا والمغاتير = البخل عنهم ودعوه المنيه
يالله ترفع منصبه وتجعله خير = يالله تبارك في جميع البقيه

سلام الله عليكم والتحية = تحيه صافيه من صدق نية
نسوق الطيب لأهل الطيب وأكثر = مادام النفس ماجتها المنية
على الحاكم بيوم نفتخر به = صليب ألراس أبو الكف السخية
عسى المولى يطول في حياته = ذخر لمواطنينه.. والرعية
هل العوجا موحدة الجزيرة = بعد ما كانت النيران حييه
وعلى الشعب السعودي كل أبوهم = من الدمام لا نجد العذيه
ومن نجران ومن ديره تهامة = إلى حدود الشمال وما يليّه
وعلى مكة .. وماجاور لمكة = وعلى طيبه سلام أزكى تحيه
وأنا مدعوا ماجي من دون داعي = دعاني جاري وجبت الهدية
قصيدٍ ياقف الرجال دونه = ضعيف النفس والنفس الغنية
وأنا شعري إذا ماهوب عادي = أسوقة للمكارم .. ما علية
وأصوغ الحرف من راسي وأصور = شعري بالحروف الأبجدية
أعيش العصر هذا وأتغنى = كأني في العصور الجاهلية
سلام الله عليكم يالدواسر = سلامٍ ما حصل مثله .. وزيه
ابن راجس ومن شرف محله = هل الماجوب والروح النقية
من سلالة رجال ما عليهم = عزايمهم على الشدة قوية
فصيلة دمهم حسب اتقادي = شجاعة زايد وزايد حمية
موسمه العصا من عام الأول = بوقتٍ كلٍ يخلي خويه
حميتوا جاركم و أستأمن أبكم = كرامتكم كرامه .. حاتميه
وحقيقة مسجلة بأسم الدواسر = وهذي ماركتهم عالميه
وبعد ما رشحوا فالح وقفنا = بصوت وجاه ولا مقدريه
لأنه كفوا ذا حقه علينا = بنوفي معه والدنيا مديه
وحنا يالشلاوي ما علينا = فعايلنا تبين بكل هيه
حدانا ما عليه أن زاد حمله = كما الهرش العماني أو حليه
وجعل رجال ما يجمل حضوره = يكون العذر وافته المنية