البارحه ساعةٍ مـن بيـن فـرحٍ وخـوف=قلـب الشقـاوي تجددلـه عنـاه وشقـاه
مرت تخطى وعدت بيـن كـل الصفـوف=في حفلةٍ من نظرهـا قـام يزحـف وراه
تاطا بروس الاصابع بين ضرب الدفـوف=كن المجرات تاخـذ مـن نحرهـا اتجـاه
مالت بشعرٍ كساها ليـن غطـى الـردوف=والعنق فيـه الذهـب زود حـلاه وكسـاه
وقامت تمايـل بعـد تصفيقهـم بالكفـوف=من عقبها كل من جا يلعب اهمـل سـراه
وانهت سراهـا ولـدت والاوادم وقـوف=واومت لمن كـان معهـا بالعبـاه العبـاه
وفزيت من مرقدي من غير ماشعر واشوف=وصوت الندا يوقظ النايم يقـول الصـلاه
الحلم جابه وشمس الحـب فيهـا كسـوف=والناس ماتـدري ان القلـب بيـح خفـاه
مبطي وانا ارجي هماليل المطر فالقنـوف=والكبد ظميا ونـو الوسـم شـح ابعطـاه
اصبر واجامل وغلطات الليالـي تطـوف=من عام الالفين والخمسـه وحالـي كـذاه
تبور كل السلع لـولا اختـلاف الشفـوف=إلا انتي الشـف ياقـوت الغنـي وثـراه
واللي تولع بطرد الحـب ينسـى النكـوف=ماهمـه اللـي يقـول العاذليـن الوشـاه
اسمك حفظته بقلبي مـن ثلاثـة حـروف=والرابع اللي مع اسمي صار فيـه اشتبـاه
ياجب عليَه مابيح السـر رغـم الظـروف=وانتي عليك احرصي لاتهمليـن الوصـاه