على ذكر الولي جل وتعالى خالق الأنسان=اببدا به الاه الخلق محييها ومفنـيها
جزيل المد مارد العـبـاد المعـطــــي الــمنـان=رفع سبعٍ شدادٍ والجبال الشم مرسـيها
بعد ذكره بديت ومتكل به بدخـل البستان=وابقطف من زماليق الزهور اللي منقـيها
مقدمها بباقات القصيد ومن فصيح لسان=ومطرزها من حلي البحر والدر زاهيها
منزهها عن سقاط الحكي والكذب والبهتان=ليا عدت على الحضار تطلق وجه راعيها
عليها ختم رسمي من ولد غازي ابن عردان=خذت الاولى على الفردي ولابه من يحاليها
نيابه عـن ادارة ملتقانـا والعلوم سمان=ارحب فالحضور اللي يشرفنا معاليها
هلا يا مرحبا واعداد ماهل المطر ودان=عدد من طاف في مكه عدد منهو سعى فيها
عدد ماهب نسناس العصير ومالت الاغصان=تراحيبٍ بنفح المسك للحضار نهديها
تأسس قبل عام وكله انجازٍ وذكره بان=بسواعدنا خذينا الاوله بالطـيـب نبنيها
سعيـنا للمعالي والمعالي عندنا نيشان=وحزناها بفضل الله ثمار الغرس نجنيها
وجزا الاحسان يا نسل الوفا نجزيه بالاحسان=وحقوق الناس ما تبخس بما تفعل نجازيها
واخص اهل الكرم والناس تدري بالكريم معان=مثل خالد جزيل المد لاشحت لياليها
وفي مدحك يابو محمد نحضر شرد القيفان=لحيثك ياطـويل العمر تفعلها وتوفيها
على جمع القبيله ما حسبت الزود والنقصان=تمد الجزل ويدينك على الجزله مـضريها
وفيصل كاسـب الطالـه وريث المرجله لاهان=بفعله يسعد الاصحاب والحساد يعميها
وابوسالــم محمد طيّب المده رفيع الشان=فعوله كايده واللاش يبطي ما يسويها
وختام القول ذكر الله عسى ذا الجمع ماينهان=وصلاة الله عـلى محمد عدد ما نشت مناشـيها