سامـرت بـراق ٍ شعانـي ضيـه = خارج نطاق الصـوره الرجعيـه
يجذب سنا نوضه خيال الضامـي = اللـي يعـس فجـوج الايحائيـه
فإن كانه امطر علم يـا عبـدالله = والا اعتبرهـا مزنـة ٍ صيفـيـه
احاول اطوي لك تجارب عمـري = وافل لك مـن مهجتـي مطويـه
عطني من عيونك فديت عيونك = مسامعك ماهي عطـا .. عاريـه
لو تعلم ان لـي ضحكـة ٍ ممزوجـه = مغيب شمس وصبح عيد ضحيـه
كان امتطيت الجرح يـا خياطـه = حتى تشـوف ابعـاده النفسيـه
استر عن عيون الشماته جرحـي = واقول وش هي طعنـة الجنبيـه ؟
اكابر بصمتـي وافـل احجاجـي = والناس ما تدري وش اللـي فيـه
تسمو صروح الراحـه المنشـوده = اللـي بلبنـات التعـب مبنيـه
مغانم الدنيـا بحـر مـن دونـه = اتــذود تيـارتـــه المـــائـيـه
والادمي حظه على المـاشوعـي = امـا طبـع و الا سلـم راعيـه
ما يدرك الغايـه سـوى متثبـت = كم روحة ٍ ما جاء بعدهـا جيـه
تبسم وناد الحيـاه تجـي لـك = واعقد لصلفـات الطرايـق نيـه
واليا طعنت من الخلاف أدري انك = قـدم العـرب والطعنـه الماريـه
لا تعرض الذمه علـى السوامـه = خلوك في رمضا وهـم فـي فيـه
المال لو يشري ضميـر آبـن ادم= ما يشري اقلوب البشـر موليـه
نطقت لك من صمت فكري لوحه = ألـك التأمـل والتـألـم لـيـه
فان غيبت شمسي صروف الدنيـا = انت الرجاء كله وشمسـك حيـه