|
تقفون نبي نقاطع المراعي (خلوها تخيس)
السلام عليكم ورحمة الله وبركاته يا جماعة الخير ( ان يدا الله مع الجماعة ) أخي المواطن ان كنت قادر على الشراء فغيرك يجد معاناة شديدة . أخي المواطن يجب ان تكون الكلمة لك ويجب ان تكون متضامن مع أخوانك . أخي الموطن بمشية الله ثم بإردتك تستطيع إرغام اي شركة على التراجع عن اسعارها درس لأي شركة تفكر في رفع الأسعار وكلنا نعلم ان حماية المستهلك ماعندك احد والمفروض يغييرون اسمها (حماية التاجر) لذلك يلزم المقاطعه |
رد: تقفون نبي نقاطع المراعي (خلوها تخيس)
ذكرتني بمقولة القذافي مايحتاج اذكرها الغلا بالمراعي وبس!!! علينا بالتوبة الى الله والأستغفار والدعاء . اللهم ارفع عنا الغلا والوباء والفتن وحفظ بلادنا وبلاد المسلمين يارب العالمين عزيزي هايم رددي معي يالله المستعان |
رد: تقفون نبي نقاطع المراعي (خلوها تخيس)
والله ماعندكـ أحد لكن الشكوى لله رب العالمين ،،،
وبعدين المراعي الشريكـ فيها الاساسي مهنو؟؟؟؟؟؟؟؟ |
رد: تقفون نبي نقاطع المراعي (خلوها تخيس)
اقتباس:
هلا بك يا الركن انت شطحت شطحه برا الموضوع الله يحفظك ويخليك لعين ترجيك وشدخل القذافي ومقولته اللي مايحتاج تذكرها ليتك ذكرتها وكملت الشطحه ومن ناحية التوبه كلامك صحيح والتوبه في كل وقت ماهوب بالغلاء بس الله يجزاك بالخير تقبل تحياتي ملاحظه: هايم مذكر تقول رددي ولكن ألتمس لك العذر |
رد: تقفون نبي نقاطع المراعي (خلوها تخيس)
اقتباس:
هلابك اخوي هادي لايهمك الشريك الاساسي او غيره انشاء الله اللي اهو وابشرك فيه فاهمين وواعين ويحرصون على مصلحة غيرهم اكثر من انفسهم يمكن انا وانت نقدر على قيمتها لكن اقسم بالله فيه ناس مايقدرون.. و ابشرك هذي الحمله منتشره على جميع المواقع والمنتديات الفيس بوك النت لوق الجرائد حتى الصحف الالكترونيه ادخل صحيفة سبق لجل تتأكد حاطين خبر فيها وبأذن الله نشوف نتايجها قريب وصحيح كلامك الشكوى لله وشكوى لغير الله مذله لك تحياتي |
رد: تقفون نبي نقاطع المراعي (خلوها تخيس)
اخي هايم سامحني على الغلطة المطبعية وانت عل العين والراس وبالنسبة للشحطات طوفها عساك سالم غانم |
رد: تقفون نبي نقاطع المراعي (خلوها تخيس)
الله يعطيك العافيه أخي الكريم على الإهتمام والمتابعه لكن للأسف اليوم شركة الصافي رفعت السعر أيضاً والباقي في الطريق خصوصاً أن شهر الخير على الأبواب وهو فرصه لهم حسبي الله عليهم ,,,
|
رد: تقفون نبي نقاطع المراعي (خلوها تخيس)
http://sabq.org/sabq/user/news.do?section=5&id=26927
تم إعادة الأسعار لوضعها السابق بقرار من وزارة التجاره ,,, |
رد: تقفون نبي نقاطع المراعي (خلوها تخيس)
حسبي الله عليهم
|
رد: تقفون نبي نقاطع المراعي (خلوها تخيس)
الدعوى خربانه في كل شي
|
رد: تقفون نبي نقاطع المراعي (خلوها تخيس)
لاهنت ياهايم على نقل الدعوة للمقاطعة وليتنا نكون على قلب واحد
يعني كل ما ارتفع سعر شركة نقاطعة ومثل ماقالوا الاخوان علينا الاستغفار والتوبة الى الله دمت بحفظ الرحمن |
رد: تقفون نبي نقاطع المراعي (خلوها تخيس)
ابشر والله من يقاطعهم
|
رد: تقفون نبي نقاطع المراعي (خلوها تخيس)
اقتباس:
ياهلابك يالركن مــســــمــــوح ياخوك تحياتي لك |
رد: تقفون نبي نقاطع المراعي (خلوها تخيس)
اقتباس:
الصافي رفعت السعر بعد ماضغظت عليها المراعي لجل تشتيت المقاطعه خصوصاً ان المراعي والصافي يملكها امراء |
رد: تقفون نبي نقاطع المراعي (خلوها تخيس)
اقتباس:
يامرحبا يابوفلاح صحيح تم اعادة الاسعار والفضل لله ثم للمقاطعة المراعي خسرانه من المقاطعه ورغم ذلك يطلع الرئيس التنفيذي لشركة المراعى عبدالرحمن الفضلي ويقول ما تأثرنا بالمقاطعه ههههههه وهذا اكبر دليل على تأثرهم http://www11.0zz0.com/2011/07/08/23/231645118.jpg ولكن لا يهمونك وزارة التجاره سوت خدمه للمراعي وتم التنسيق بينهم من متى تطلع علينا وزارة التجاره لا وعلى امير ههههه وين وزارة التجاره من ارتفاع اسعار القهوه _ الارز _ السكر _ البيض _وغيرها كثير لك تحياتي |
الساعة الآن 02:26 AM
 |
Powered by vBulletin® Copyright ©2000 - 2025, Jelsoft Enterprises Ltd.
---