::: مـنتدى قبيلـة الـدواسـر الـرسمي ::: - عزاز النفوس الشاعر :سالم بن سعد ال عمار (ابو)فارس

اعــــــــــــزاز النــــــــــــــــفوس

هلا بالجواب اللي لفاني من المنعور
هلا به عدد ماقد بدء النجم ثم باني

على شرح ذا الموضوع يا ابو فهد مشكور
شفاني جوابك فيه والراس قد شابي

انا في جبل جيزان يا ابو فهد مصخور
خطير على بحفة القلب لا انصابي

على حيلي امسي لين يبدي شعاع النور
تسلفتنا من ذيب جيزان لــ قنابي

علي يوم عيدآ لاخذا كرتي المامور
عطاه المحاسب ضايق وجمل حسابي

ركبنا على اللي ماصفا لين جاه الجور
يزل المطب وقطعه الخد سرابي

وصار الطريق مزفلت(ن)والطلوع حدور
هوينا المسير وفوق مايطوي النابي

نصينا مداهل لابت(ن)ما تذوق السور
اعزاز النفوس ومعتقت خضرلــ رقابي

يزل الزمان وجارهم خاطره مسرور
زرع زايد الملطوم زرعا ولا خابي

لاقفوا شمالا يم طاري الحياء المذكور
مقاديم وسم للعرب فيه شرابي

توطى الحفيف ضعون من لايرد الشور
يوم ان ردي الخال من مرتعه هابي

تسج الربيع الشيب ماقرعت لـــ سبور
على فخوذها سيف(ن)و ولد له اشنابي

لـــ زهر الزملوق في عالي العثمور
نزلنا رفيع الخد في دار الاجنابي

مصاغيرها لــ عيون من في جبينه نور
حسين الدلال اللي زهى زين الالباسي

لو الترك حط جنوده اخلافها طابور
تعاطف الى لحقوا مكاليح الانيابي

يا محلا قناع قطعانها المظهور
اللي من استلح العود يبغون لــ جنابي

نصينا غروس ظلها داجي ونهور
تسقا على سيح(ن)من الراس نهابي

لازارهم شرها رجع خاطره مكسور
هلك من الظما لوانه يشيل مشرابي

لنا رصخوها جعلهم في جنان الحور
حموها بحد السيف من كل لعابي

تشوف الدبش لـــ انقاد لــ كنه الطابور
راعي البل يشوف الغرس يوم اربعه حابي

وقناصهم يقنص ايلا منه شاف النور
يقيل بــ بيض الريم تلعات الارقابي

وانا استغفر الله من كلام الخطاء والزور
وصلوا على المختار وآله والاصحابي

الشــــــــــــاعـــــــــــر:

سالم بن سعد ال عمار الدوسري

ابــــــــوفـــــــــــارس