::: مـنتدى قبيلـة الـدواسـر الـرسمي ::: - يقولون ما للعبد بدٍ عن المقسوم

- :: قسم الـشعر العــام :: (http://alduwaser.org/vb/forumdisplay.php?f=16)

- - يقولون ما للعبد بدٍ عن المقسوم (http://alduwaser.org/vb/showthread.php?t=58984)

يقولون ما للعبد بدٍ عن المقسوم

السلام عليكم ورحمة الله وبركاته

قصيدة اعجبتني

للشاعر الشيخ / راجح بن سالم العجمي

يقولون ما للعبد بد عن المقســــــــــــــــــــــــــــوم
وأنـــــــا أقول صح ويقنع العبد مقسومــــــــــــــــه

عسى الله يعين اللي توافد عليه إهمـــــــــــــــــوم
هموم تخلي طبلة الراس منجومــــــــــــــــــــــه

ترى والله انه مايكدر عليك النــــــــــــــــــــــــــوم
سوى كلمة من بعض الاصحاب مسمومــــــــــــه

إليا جت من الغالين وإلا الرخوم رخـــــــــــــــوم
ولا أمحق من الغالي إليا شانت علومــــــــــــــه

ضعاف الروابع تبتلش والقروم تشـــــــــــــــــوم
ولاهي بلا شيمة من الشيم مليومــــــــــــــــــــه

ولا أزين من القاع الخلى والوجيه سلـــــــــــوم
ولا رفقة بعد طول الايام ملغومـــــــــــــــــــــــــه

ولا ألذ من عشرة شريف من أقصى القــــــوم
يبادلك فعل الطيب معناه وسلومـــــــــــــــــــــه

ولا شفت في جو الصداقه غبش وغيــــــــــــوم
عطيت الدروب اللي مع الارض مرسومــــــــــه

ولا مثل عز النفس لو مامعك مطعـــــــــــــــوم
وعن أهل الشماته خل الاسرار مكتومـــــــــــــه

معي لو سمحت شوي عقب عداك اللـــــــــــوم
أبعطيك عن بعض الرجاجيل معلومــــــــــــــه

ترى اللاش لو وقف معك في حياته يـــــــــــوم
تشوف الردى متبيّن ٍ فيه من يومـــــــــــــــــه

وأنا أقول لو إن في وجيه الرخوم وســـــــــوم
عرفنا نميز قيمة النذل بوسومــــــــــــــــــــه

علشان نجلس مع رجال الوفى و نقــــــــــــوم
ونبعد من اللي عند الاجواد مذمومـــــــــــــــه

وأنا أسمع مع أهل التجربة في الحياة علوم
بعضها صحيح وبعض الاخبار موهومـــــــه

يقولون وكر الحر ما يعتليه البــــــــــــــــــوم
وأنا شوف عيني وكر حر تحت بومــــــــــه