ياللي تدور للمراجل وللطيب=وفقك ربي ياحميد المساعي
لكن خل الطيب دون المواجيب=المرجله في غير أهلها ضياعي
ترى الجمايل عند الأجناب لك عيب=لاصار ربعك يالسنافي جياعي
الأجناب تفرح لك بكثر العذاريب=أهل النمايم والقلوب الوجاعي
لو ناجده يضحك ماتعلم وش الغيب=ولو يمدحك مدحه نفاق وخداعي
وطيب(ن) تعدا الربع مايعتبر طيب=يقطعك ياطيب(ن) على غير داعي
ربعك ليا صكت عليك المغاليب=هم محزمك لأختف قلب الرعاعي
ولاكدرن وغثربن المشاريب=هم سترك الظافي وهم لك قناعي
وليا بلاك الله بوقت المناشيب=الأجنبي يقصر ولو هو شجاعي
أما رفيقك مايحسب العواقيب=يقدم على الأخصام ماهوب ياعي
هذي مشاعر شاعر(ن) جت بترتيب=مستعصي القيفان عنده طواعي
وصلاة ربي عد رسل ومناديب=على النبي مازاف نبت المراعي

المشاركة الأصلية كتبت بواسطة ابوشافي الدوسري (المشاركة 677574) ياسلام ياسلام وطيب(ن) تعدا الربع مايعتبر طيب يقطعك ياطيب(ن) على غير داعي ربعك ليا صكت عليـك المغاليـب هم محزمك لأختف قلب الرعاعـي صح لسانك يابومطلق واعتلى شانك على هذه الرااااائعة شاعر جزل واكبر دليل هذه الدرر اللتي امامي حيك عقب البطا جيت بهذه الدرة تقبل مروري وسجل اعجابي دمت بحفظ الرحمن

المشاركة الأصلية كتبت بواسطة محمد بن عريمه (المشاركة 677579) وطيـب(ن) تعـدا الربـع مايعتبـر طيـب يقطعك ياطيـب(ن) علـى غيـر داعـي ربـعــك لــيــا صــكــت عـلـيــك المـغـالـيـب هــم محـزمـك لأخـتــف قـلــب الـرعـاعـي صح الله لسانك واعتلى شانك

المشاركة الأصلية كتبت بواسطة عبدالرحمن بن فلاح آل بريك (المشاركة 677582) اللهم صلي وسلم على محمد . ,,,,,,,,, أبو مطلق وش أقول ووش أخلي بس؟؟ !! مبدع قليله في حقك على هذه الأبيات الرائعه والتي صدقت في كل حرف قلته فيها .. لا عدمنآك يالقرم ..

المشاركة الأصلية كتبت بواسطة خالد المشاويه (المشاركة 677583) ياسلام ياسلام عليك يابومطلق لاهنت على هذه الدره اقف امامها باحترام واصفق لها صح الله لسانك يابومطلق وعزالله انك صادق وطيبٍ تعدا الربع مايعتبر طيب وقال المثل الأقربون اولى بالمعروف وقال الرسول صلى الله عليه وسلم : " يد المعطي العليا وابدأ بمن تعول أمك وأباك وأختك وأخاك ثم أدناك أدناك " . جزيل الشكر والتقدير لشخصك الكريم ولاتبطي بجديدك