ياسعود قلبي من عربنا شكا الجور =شاهت وجيه مضيعين الامانه
ياسعود عشنا سنين وسنين وشهور=وربعي محلك سر واقف مكانه
ياسعود ربعي في متاهات وبحور= وكل زعيم شايخ في زمانه
ياسعود ساد الناس قاصر ومثبور =وكل يصفق له بحب وميانه
ياسعود انا يابوك مانيب مغرور =مير البلا يابوك ذل ومهانه
لا واللي نزل تبارك مع الطور = وكل على ما قال يدفع رهانه
ان ما عقلتو من متاهات وشرور=والرابح اللي يعتبر ياجبانه
ان يندم الرماي مع راعي الشور=والعلم عند اهله لزوم بيانه
الجمع واجد مابه اخلاف وقصور = مير البلا لعانة في لعانه
على بعض شجعان والكلب مسعور= الكافر الملعون عنده حصانه
الشيخ ماله في زمان الردى دور= والشاطر اللي بارع في كمانه
ياضايعين الراي والراي مقدور =من زين النية ترى الله عانه
عبادة المظهر وساقط ومشهور =ياهل الوفا ياهل الشيم والديانه
يكفي كذب كلش مسجل ومسطور = ياهل الغدر والزور ياهل الخيانه
ان قلت مسرور فلا نيب مسرور = وازين لبوك يحط جرحه دفانه
انتم خراب الوقت وانتم لنا عور =شاهت وجيه مضيعين الامانه

ياسعود دم ابوك من طيبه يفور =والا الردي ياقف دمه في مكانه
يغرف من بحور وينحت من صخور= يفداه شعار الترف والليانه
يشكي ونشكي كلنا الظلم والجور= معاد للمسلم مقام ومكانه
جرح العرب مافاد به طب دكتور = اكبر من الجراح والقيزخانه
انجاد من شرق بثمانين طابور =وبوش من الغرب يتفلت احصانه
وانا غدينا لقمة وسط حنجور =تلوكها اسنان الغدر والخيانه
اغلب سلاطين العرب مالهم دور =يرجون من قوات لعداء حصانه
من باع دين الله وهو خير دستور= لايرتجي شوف المعزة وزانه
مادهور اوضاع ولاضيق اصدور =الا المعاصي وانتقاص الديانه
ياسعود جاك العلم قاف على الفور= انتاج فكر مايبيله صيانه
للناهشي بلغ سلامي ومشكور =يالله عسى شرواه يبطي زمانه

المشاركة الأصلية كتبت بواسطة شافي بن راشد النتيفات (المشاركة 676285) الله الله صوت وصدى رائعه من شعراء كبار صحت السنتكم وعسى الله يصلح الاحوال يانادر

المشاركة الأصلية كتبت بواسطة اسد الوادي (المشاركة 676288) لاهنت يا اخييي الشاعر نادر الناهشي واخييي الشاعر فراج فهد الشكره كلمات روعه وصح ومشكورين على القصيده الجزله وسلمت الأيادي وما قول إلا يـانـادر مـع فـراج لعبتــوالـدور $ والله ياخذ من مشا في الخيانه والمشكله فينا لعانات واغـرور $ والأنضمــه تحتــاج لهـــا صيــانه وفي انتظار ابداعكم http://www.uaemusics.com/uploood/ima...g1pnntbjo1.gif يا حلو الايام لو ترجع على كيفـــــــي ما كان قلبي شـكى فـرقا مواليفـــــــه كانـوا بقـربي ولا يحتـاج تكليفـــــــــي واليوم راحوا ودمعي صعب توقيفـــه &&& اخواني واخواتي الشعراء والشاعرات مشاركتكم في هذا القسم بالقصائد والخواطر تضفي عليه النور http://www.uaemusics.com/uploood/ima...8b6f2vok6d.gif

المشاركة الأصلية كتبت بواسطة خالد المشاويه (المشاركة 676298) الله الله صح السنتكم جميع شعراء كبار ولاهنتوا على هذه المساجلة الرائعه ونسأل الله ان يصلح الحال وينصر الشعوب العربية على عملاء الغرب ويحفظ خليجنا ومعقل التوحيد جزيل الشكر والتقدير

المشاركة الأصلية كتبت بواسطة ابوشافي الدوسري (المشاركة 676385) صوت وصدى من احمل ماقرأت و من شعراء كبار صحت السنتكم وعسى الله يصلح الاحوال يانادر