واعـــنــــا قــلــبـــي وعــيــنـــي واعــنــاهـــا=مــن جـــروحً مـــا بـــرتّ مـنـهـا ومـنــه
الـمــولّــع مـــــن بــطــاهــا مــــــا قـــواهـــا=لاجـــرت دمــعــة عـيـونــه جــــر ونــــه
ليـت عينـي يـدري احـدً عـن بكاهـا=ولـيـت قلـبـي مــن عـنـاه احــدً يحـنـه
مـــــادرا بـالـجـمــره الا مـــــن وطـــاهـــا=اســتــكــنـــي يـــالـــجـــروح الـمـســتــكــنــه
الــهــوى مــــا مــــر عــيــن إلا مــلاهــا=مـــــــن تـعـاجــيــبــه ولــوعـــاتـــه وفــــنــــه
والهوى اللي مر عيني في صباهـا=حضـهـا المـقـسـوم مـــا عـنـهـا وعـنــه
ابـتـلاهــا لــيــن جــــاب الــلــي وراهــــا=وحــوّل الـدمـع المصـفـى مــن مـغـنـه
وجــد روحــي مــن وجــودً مــا بـراهــا=وجد عيني تحسـب ان الوجـد سنـه
من هوى اللي ما خذينا من هواها=غـيــر جـــرحً مـبـطـيً مـــا فـيــه مــنّــه
مــــــــا ســبــقــهــا فــالـــغـــلا ولا تــــلاهــــا=موطـنـه غــض الصبـايـا مــا وطـنــه
ذقـــت فـرقـاهـا قـبــل مـــا ذوق مـاهــا=وعرّضتـنـي القـيـض والـجــوزا مـدنّــه
لا ذكـــرهـــا الله بــخــيــر ولا ســقــاهــا=عـــشـــرتً قـــفّــــت بـــــــروحً مـرجــهــنــه
الــمــحــبـــه مـــــــــن يــــدورهـــــا لـــقـــاهــــا=ولا لـقــيــنــا فـالـمـحــبــه ريـــــــح جــــنّــــه

الشاعر / خالد بن مدعث