سقى الله سنياتٍ مضت لي وانا بـزر=وانا جاهل درب الهوى ما عرف لونه
وانا دمع عيني كل ما هل من شهـر=هماليل واخفي عن هلي لا يشوفونـه
ونوب تهل دمـوع ونـوب دمٍ حمـر=ونوب كما عد ٍ هل الطرش يردونـه
أنا حالف ما انساك يا هايف الخصـر=ولو كان قبري قاعة الحيـد يطوونـه
ولا ياهل المجمول ماعاد بـي صبـر=وذي بندقي في ما تقولون مرهونـه
ويا عم..يا المنعور مافي يدي حجـر=بزيّك يبي سمح القبل داعج عيونـه
أبو لبةٍ عفرا وطـوقٍ علـى النحـر=ويا مخبلك يا عاذل القلب من دونـه
ولا يمّحي حـبٍّ عليـه اللحـم جبـر=سطى في العظام وصافي الدم من دونه
وانا ماذبحني كود ابو مبسـمٍ حمـر=تجيبه حلوم الليل والبعد مـن دونـه
ويا ونتي ونة مريـضٍ بـه الخطـر=توعّى وشاف الخام فوقـه يقوسونـه
الا يا وجودي وجد من لا بلي صبـر=صبور ٍ على الفرقى ليا غاب مضنونه
ويا فوح صدري فوح بنٍّ اليـا طفـر=تعدى الحدود وسجوا اللي يصالونـه
ومنزالهم مابين (ساده) الى (همـر)=ورمث الزبار الزين ما هـم يحلونـه
عسى من يلوم القلب في ناقل الزهـر=يجيه العمى وانا من اللـي يقودونـه

المشاركة الأصلية كتبت بواسطة خالد المشاويه (المشاركة 673891) الله الله صح لسانك يابومطلق ولسان قايلها وسلمت يمناك على النقل الرائع جزيل الشكر والتقدير

المشاركة الأصلية كتبت بواسطة ابو حسين الدوسري (المشاركة 673894) صح منقولك ولاهنت يبو مطلق وصح االسان قايلها تقبل توااجدي ومروري البسيط فائق الشكر والتقدير

المشاركة الأصلية كتبت بواسطة اجوديه (المشاركة 673908) صح لسسآأإنك ولسآأإن شآعرهآ ابدعت بالطرح يعطيك العآأإفيه /~

المشاركة الأصلية كتبت بواسطة روز (المشاركة 673958) صـــــــــــــــــــــــــــــــح السانك يابومطلق

المشاركة الأصلية كتبت بواسطة ابوشافي الدوسري (المشاركة 673963) يامااااال القوم صح لسان قايلها وسلمت يمين ناقلها مبدع يابومطلق في الانتقاء وفي كل حالاتك تحياتي وتقديري لشخصك الكريم

المشاركة الأصلية كتبت بواسطة شافي بن راشد النتيفات (المشاركة 673966) لاهنت على النقل يابومطلق اختيار موفق

المشاركة الأصلية كتبت بواسطة ـآلجآدل (المشاركة 673968) صح لساااان الشااعر وجعل تسلم يميينك ع الطرح ي الشيييخ