متى أعرس زريق وليه يامانع إبن زريق=ورى فرحتك على بني خيّك إخشاشه؟
مالوم الصدور الواسعة لا اعتراها الضيق=ولا ألوم (ولد الحكم) لادقّ له (باشه)
هذا مدخل المعنى.. وتوّ الضعن ماسيق=وتوّه يزهّب محكم الرمي رشاشه
مادامك من أهل الذوق والعرف والتدقيق=تراه إنكشف (ماطاش ونجومه وطاشه)
عيون العوارف من سنة جالها تبريق=بجرحن تحسبه تستره لفة الشاشة؟
يامانع كلام الجدّ ماهوب للتسويق=عربسات تال الوقت ياكثر وشواشه
مصيبة ولد فرناس يومه نوى التحليق=خذا الشور من ناس ٍ تخادع وغشاشة
ومادام (الأعشى) في سباته وعجز يفيق=عدوّك يامانع من طرش مثل مطراشه
بلشنا يابن شلحاط بمنافق وزنديق=وناس ٍ على غرات الأجواد معتاشه
وليلى غلاها في صدر (قيسها) مابيق=ولو إنّه أدبح في غلاها ولا ناشه

هلا بالبيوت اللي تداوي صدور(ن) ضيق= خوافي صدور(ن) من غثا الوقت منداشه
جمال البيوت اللي يخفّف خوا الذويق =إيلين اقلع بمركاه ثم وادع فراشه
أنا يابن مسرع من زمان أختفي وأويق = على ساحة الشعار فالصحف والشاشه
وأشوف المهازل من تهامه لحد بقيق = مزكي شهودي كاتب(ن)يقدح فلاشه
زمان(ن) به خبال الأوادم لقا توثيق= على أجمل قنوات الفضا يعرض قماشه
أحد دوّن أمجاده بتاريخه التلفيق = وأحد ينشر أشعاره وأحد يعرض أدباشه
خضعنا وطعنا لين طقنا بلاً ماطيق = وقرفنا لأبو قطاش جرو أم قطاشه
ولا يبرد الخاطر سوى منطق(ن) لاسيق= يدغدغ طغا أهل الذوق بافكار حشاشه
ترجّل يانايف لن غديرك صفا ماذيق = دع الناس تقطع من ضماها على طاشه
وأنا اللي وردت وجيت ضامي ببلّ الريق= وأجنّب طبيب(ن) يسقي الناس بغراشه
لا زليت فالعارض تلمّس لضلع طويق = وحفل الأفندي زل وإلحق على الباشه
وتمّت وخل الناس في لجنة التحقيق = وخل المدير يصفّق خدود فرّاشه

المشاركة الأصلية كتبت بواسطة شافي بن راشد النتيفات (المشاركة 671961) الله الله صوت وصدى من اجمل ماسمعت ومعنى خطير صحت السنت الشعراء ابوعبدالعزيز وابومحمد شعراء كبار

عيون العوارف من سنة جالهـا تبريـق بجرحن تحسبه تستـره لفـة الشاشـة؟ يامانع كـلام الجـدّ ماهـوب للتسويـق عربسات تال الوقـت ياكثـر وشواشـه مصيبة ولد فرناس يومه نـوى التحليـق خذا الشور من ناس ٍ تخـادع وغشاشـة

المشاركة الأصلية كتبت بواسطة خالد المشاويه (المشاركة 671970) صح لسنتهم شعراء كبار لاهنت يابومحسن على النقل وسلمت يمناك جزيل الشكر والتقدير