ياللـي دخلـت السـوق وقـف بحاكيـك=وش ذا العيـون اللـي تـسـوي سـوايـا
كهـربـتـنـي بـالـعـيـن والله يـجــازيــك=نظـرات شـلـت فــي ضمـيـري خـلايـا
لــولا فـيـوزن وســط قلـبـي تمـاتـيـك=مــا كــان عـيـن مــن فـــؤادي بـقـايـا
يفصـل الا مـن شـاف هـذي وهـاذيـك=صــاده مـواقـف مـــن بـنــات الـقـرايـا
قـالـت: تحـمـد يـــوم ربـــي منـجـيـك=ولا تـوقــف فـــي طــريــق الـصـبـايـا
قـلــت: الصـبـايـا والمـزايـيـن تـفـديـك=ماشفـت عيـنـك فــي جمـيـع البـرايـا
قالت: هذي عيني عسـى الله يقويـك=شـلـون لــو بتـشـوف بـاقـي الـمـزايـا
لـكـن دامــك مـمـن القـلـب بـسـويـك=رح فـــي طـريـقـك والـنـوايـا مـطـايــا
ولا تــــرا بـتـعـبـك واعــلــن تـحـديــك=واشـــوف قـلـبــك بيـتـحـمـل حــلايــا
قلت: اسمعي وان فزت قالت: بكافيك=عـلـي حسـابـي مــن مـحـل الـهـدايـا
بـس انتـظـر لحـظـه بسيـطـه ورويــك=ثـــم اظـهــرت ثـغــرن زهـــت الثـنـايـا
قلـت: انتـبـه يــا قـلـب منـهـا توطـيـك=واسمـع صـداه يصـيـح خـلـف الحنـايـا
ثـــم انـفـجـر جـــد الـفـيـوز التمـاتـيـك=واقـفـت وانــا اجـمـع بقـايـا الشـظـايـا