طويتنا حبل الرجاءمن الاصاحيب=وعضيتنا أبهام الاسى والندامه
من رفقة الي يشذبون العراقيب=زراعة الفتنه بكذب ونمامه
جحادة المعروف نكارة الطيب=ياليت ربي حط فيهم علامه
الي اليا رجت عليك المشاريب=لامن نخيته ماتشيله عظامه
الي بحزات الرخا والمعاصيب=محد(ن)بيوصل ماوصل في كلامه
من يوم ينشأ لين يبلغبه الشيب=عند الحليله غارق(ن)في منامه
ماميز المخطي ولاميز مصيب=لازم يقصر هقوته في مرامه
واليوم انا بقصد وببعث مناديب=والله لقاطعهم بدين القسامه
ولالي على الانذال حق ومطاليب=وكلن على قدره وضعت احترامه
ولاني وانا محمد قريب المحاضيب=وان خيبوا ظني عصبت العمامه
وعزمت ادور ناطحين المواجيب=أهل الوفاء والطيب واهل الشهامه
الي لهم بالطيب وقفه وتجريب=كل خذا بالطيب منهم وسامه
ومن قل ماله حطوا الناس به عيب=لوكان قرم(ن)ماتجيه الملامه
فياكثر صحبان الرخاء دام في الجيب=ريال هم ربعك ليوم القيامه
وتم الكلام وكل بيت بترتيب=ختام منضوم توصل ختامه

المشاركة الأصلية كتبت بواسطة نسناس الهوى (المشاركة 666274) الله يرحمه.. لاهنت اخوي على الطرح قصيده جمييييله جدآآ موفق

المشاركة الأصلية كتبت بواسطة خالد المشاويه (المشاركة 666615) الله يرحمه ويغفر له لاهنت والله يعطيك العافيه على الاختيار الموفق جزيل الشكر والتقدير

المشاركة الأصلية كتبت بواسطة شافي بن راشد النتيفات (المشاركة 666832) الله يغفر له ويرحمه ولاهنت يابومطلق على النقل الرائع

المشاركة الأصلية كتبت بواسطة فهد المقابله (المشاركة 667224) الله يرحمه ويغفر له لاهنت يابومطلق والله يعطيك العافيه على الاختيار المميز تحياتي وتقديري

المشاركة الأصلية كتبت بواسطة ابوشافي الدوسري (المشاركة 667229) الله يرحمه ويغفر له ولاهنت يابومطلق انتقاء موفق تحياتي وتقديري