يااللـي تجاهلنـي ولاهـوب ودك=أنا سمحت من الهواء خاطري طاب
النـاس وألأيـام ضـدي وضـدك=شر البريه ماضحك الناس بعجـاب
واليوم مايدريك فـي حـال غـدك=أخذ النصيحه من صناديق ألألباب
الذكريـات اللـي جفاهـا يشـدك=أقفل عليها دون كـل المـلا بـاب
أخـذ الجـواب ولاتعجـل بـردك=كم واحدِ عجـل بـرده ولا صـاب
وأن قلت يمكن تجرح شفاك خـدك=دور لحرف الجر في حال الأعراب
عماتسـأل كيـف بنيـك وهـدك=في علم خلاق ألأنا قبـل الأنجـاب
قل للبحر من وين جـزرك ومـدك=وقل للقمر من وين يطلع أذا غـاب
ياذا الكيان أليا بلغت انـت حـدك=تراك مثل الثلـج مهمـا بلـغ ذاب
تـراء بدياتـك نهايـة مــردك=مالك مثل غيرك عن الحق مجناب
هذا طريق ابـوك وامـك وجـدك=مهما تكون لك جماهيـر وأحـزاب
أمسح دموعي في كمومي وصـدك=أعيش به وأقع غلا نـوت وعقـاب

المشاركة الأصلية كتبت بواسطة شافي بن راشد النتيفات (المشاركة 663375) ارحب ياراكان وصح الله لسان الشاعر الكبير حمود بن عبيد شاعر غني عن التعريف

المشاركة الأصلية كتبت بواسطة أبونواف الدوسري (المشاركة 663379) لا هنت وبارك الله فيك وصح السان الشاعر حمود بن عبيد..

المشاركة الأصلية كتبت بواسطة عقاب ال بريك (المشاركة 663391) أخـــذ الـجــواب ولاتـعـجــل بــــردك كــم واحــدِ عـجـل بــرده ولا صــاب الله ياسلاآآم , , صح لسان الشاعر حمود بن عبيد مدد مالهآ عدد على القصيده الجزله ......... وبيض الله وجهك يالقرم على نقلهآآآ .... تحاياي . . .

المشاركة الأصلية كتبت بواسطة خالد المشاويه (المشاركة 663393) صح الله السان الشاعر حمود بن عبيد ال بريك ولاهنت اخوي راكان والله يعطيك العافيه سلمت يمناك جزيل الشكر والتقدير

المشاركة الأصلية كتبت بواسطة محمد مطلق آل بريك (المشاركة 663417) أرحب ياراكان لاهنت على النقل وصح لسان أبو عبيد على هذه الدره ولك أزكى التحايا

المشاركة الأصلية كتبت بواسطة ابوشافي الدوسري (المشاركة 663396) لاهنت ياراكان على النقل وصح لسان الشاعر الكبير حمود عبيد ال بريك تقبل مروري