|
العقداء جازع المفرع ومدعث بن خلف وقصتهم مع العجمان
السلام عليكم ورحمة الله وبركاته وبعد أقدم لكم هذه القصة واللتي جرت على العقيد جازع المفرع والعقيد مدعث بن خلف الغياثات مع العجمان أترككم مع السالفه والقصيدة. فيه سنة من السنين السابقة وفي أيام حكم عبدالعزيز رحل مدعث بن خلف ومعه قصيره جازع المفرع من بني عمهم الغياثات وقبايلهم الدواسر وتركوهم جنوب ونزلو على العجمان في الوادي. وجاء منزالهم على أمير العجمان إبن حثلين ولقد كان بين الغياثات والعجمان صلح المهم أن العجمان رحبوبهم وأكرموهم وكانو يتسايرون بينهم . وكان مع العجمان قصيرٍ قحطاني يقال له إبن لاحي وفي يوم من الأيام ضاعت ذلول القحطاني إبن لاحي وأخذ ينشد عنها ويتفقد العرب من اللي جاء واللي راح وفي ذيك الأيام كان واحدٍ يقال له رثوان من المظالمه الغياثات متعزبٍ عمه المفرع وأخذ عنده قطعة أيام ورجع لأهله. وصار عند إبن لاحي شك بأن اللي خذى ذلوله هو الولد اللي جاء وتعزب المفرع وراح. المهم جاك القحطاني وقال أنا متهم الولد اللي تعزَبك يالمفرع يمكنَه ماخذٍ ذلولي لكن وين راح الرجَال اللي عندك هالأيام ورد المفرع عليه بقوله الرجل راح لأهله على رجليه ولم أرى الذلول معه فهل عندك إثباتٍ عليه أو دليلٍ قاطِع قال له إبن لاحي مافيه دليل ولاإثبات ولكن أنا متَهمه ونريده يحضر هنا لكي نسأله وإن كانه ماحضر فأكيد أن ذلولي عنده وعندك خيارين أما تحضَر الرجَال أو تغرم لي ذلولي يالمفرع. في هذه الأثناء قرر مدعث بن خلف والمفرع أن يتوجهو لإبن حثلين لكي يخلصهم من هذه المشكلة ولمَا جاءو إبن حثلين وأبلغوه قال لهم وهو غضبان وبالحرف الواحد أمَا تغرم الذلول يالمفرع وإلأ نربطك أي نسجنك حتى تحضر لنا ذلول أو إغرامه ولقد نوى ربطه وسجنه وقال بن خلف برزنا يالمفرع وتمالوْ وقالوْ مادام إن مافيه دليلٍ قاطع والرجاجيل متَهمينا بنسوق لهم إغرامة ولايربطونك يالمفرع تعطيهم رحولك اللي مع ذودك وقال له زين وأتفقوْ على ذلك ورجعوْ لإبن حثلين وقالو مادام مابه دليل ولاإثبات فحنَا بنعطيكم رحول إغرامة في شيءٍ فايت والله لادرينا به ولاخبرناه. ورفض إبن لاحي عرضهم له بالرحول وقال ذلولي أصيل وهذي رحول ورد عليه بن حثلين إخلص يارجَال ماعندك دليل وهذي عوض لك في شيءٍ فايت وقبلها القحطاني ورجع بن خلف والمفرع وكان زعلان بن خلف هو والمفرَع من دبرتهم وقرروْ الرجوع والرحيل لبني عمهم وفعلاً رحلوْ وتمثل مدعث بن خلف بهذه الابيات..
أبشهر كما حرٍ إليا عاف داعيه=مـتذكرٍ داره خفـوق الجـنـاحــي من كان له دارٍ ترى الله بيغـنيه=تغـنيه من ديرة ربوعٍ شـحاحـي شيخ المجرَة يــوم قمنا نداريــه=ربط المفرع في ذلول إبن لاحـي كم ذود مصلاحٍ خذينا نواديـه=حـيافـةٍ وإلأ نـجـيـهـا صـباحــي تقبلو أجمل وأعطر التحيات من محب الجميع : دغش البطي |
مشكور أخوي علئ الموضوع
وتقبل تحيات محبكـــــــ : الشكري001 وفي أمان الله |
ابو بطي
يعطيك الف عافيه ومشكور على ماكتبت يالغالي |
لاهنت يابو بطي على الروايه الطيبه
التي تعودناها منك |
بيض الله وجهك يابومحمد على الروايه الطيبه والسرد الاكثر من رائع
وجعلك يمناك مايجيها العطب والله يرحم جازع المفرع ومدعث بن خلف ورثوان المظالمه ويسكنهم فسيح جناته. |
ابو محمد لاعدمناك يالقرم
وعادتك ماتجي اللا بالعلم الثمين وتسلم يمناك على الموضوع الوافي وننتظر منك كل جديد |
اقتباس:
أخي الشكري 001 لاشكر على واجب ياغالي لاهنت وبيض الله وجهك على مرورك عاطر التحايا القلبية من محب الجميع |
اقتباس:
الأخ الغالي سعد المقابله ومن يقول يتعافى ولاشكر على واجب طال عمرك لاهنت على المرور العاطر تحياتي القلبية لك محبك ومحب الجميع : دغش البطي |
اقتباس:
الأخ الغالي مسعود المقيبلي من قال ماهان وشهادتك وسام لاعدمتك عاطر التحايا القلبية محبك ومحب الجميع |
اقتباس:
الأستاذ الكبير : هايف العماني مرحباً تراحيب السيل ياابو مبارك مرورك وتعقيبك له صفة خاصة في نفسي لاعدمتك والحقيقه أعتز بمرورك وتعقيبك لاعدمتك دمت لنا ولمنتدانا شمعةً مضيئه للجميع تقبل الود والتقدير من محبك ومحب الجميع : دغش البطي |
تسلم يمينكم أخوي دغش البطي
|
اقتباس:
الأستاذ الكبير : أبن محمد الودعاني مرحباً تراحيب السيل ياابو عبدالرحمن مرورك وتعقيبك له صفة خاصة في نفسي لاعدمتك والحقيقه أعتز بمرورك وتعقيبك لاعدمتك دمت لنا ولمنتدانا شمعةً مضيئه للجميع تقبل الود والتقدير من محبك ومحب الجميع : دغش البطي |
اقتباس:
ومن يقول يسلم يايحيى الودعاني تحياتي القلبية محبك ومحب الجميع |
الله لا يهينك يأبو محمد على النقل الرائع جزل الأختيار الله يطول بعمرك غالي با الحيل يا دغش وتقبل تحيات أخوك: مسفر المصارير |
اقتباس:
أبشهر كما حرٍ إليا عاف داعيه=مـتذكرٍ داره خفـوق الجـنـاحــي من كان له دارٍ ترى الله بيغـنيه=تغـنيه من ديرة ربوعٍ شـحاحـي شيخ المجرَة يــوم قمنا نداريــه=ربط المفرع في ذلول إبن لاحـي كم ذود مصلاحٍ خذينا نواديـه=حـيافـةٍ وإلأ نـجـيـهـا صـباحــي |
الساعة الآن 09:55 AM
 |
Powered by vBulletin® Copyright ©2000 - 2025, Jelsoft Enterprises Ltd.
---