راكب اللي مايمله سايقً له = من المصانع تو مستلمه وكيله
نصّه اللي بالشفا يعرف محله = المدايح والمراجل تستويله
ابوذعار من بغا بيته يدله = باب بيته فاتحه يومه وليله
المشايخ في محله ماتمله = فالحديث اللي على السنه دليله
منهجً ياحظ منهو منهجً له = لاختم قوله يكمل بتهليله
وارثً طيبه من الشايب جبله = ذعارً اللي بالمراجل فاق جيله
جعل جناتً بعدنً منزلً له = في جنان الخلد يكرم مع نزيله
اطلب المولى يضللنا بضله = في نهارً مامع المخلوق حيله
في نهارً والجوارح يشهدًله = مامعه حيله ومعروفً حصيله
ذا جواب اللي كلامه شاهدً له = ياخذ الجزلات ماقال الهزيله
لابغاهن من ضميره ساوقً له = ساقهن سوق القطيع المستحيله
ياحلو مدحً على المعنى بحله = لامدحته في كلامي يستويله
ابوذعارً من بغا بيته يدله = باب بيته فاتحه يومه وليله