|
يابو عبدالله نزلنا وسط فيضه
بسم الله الرحمن الرحيم السلام عليكم ورحمة الله وبركاته الاخوه الاعزا رواد شبكة قبيلة الدواسر الرسمي اقدم بين ايدكم هذي القصيده الشاعر سليمان الهويدي رحمه الله واهديها لي اخي الغالي المراقب الفذ " ابوعبدالله " الشكري.
يابو عبدالله نزلنا وسط فيضه=فيضةٍ خضرا تساقيها الخباري في طرف وسميةٍ ماهي عريضه=بس فيها الظبي الأشقح والحباري صيدها لاجا العصير يهيض هيضه=لو معك شوزن تحمل لك لواري ما رعينا عشبها والله غميضه=ولاحصل لي شي من صيد العصاري ماتجوز لواحدٍ حاله مريضه=ينطر التقرير ماهو عنه داري مثل براق ٍ حدر واقفا نفيضه=طايح ٍ حملي وأصوت يامكاري واهني من داج فيها طول قيضه =طيب ٍ يطرب للباس الخزاري يسلم اللي قام لي بليا عريضه =يوم أنا وياه ما للهم طاري من نسى راعي الوفا ينسى الفريضه=أفتخر بك يا بوعبدالله واماري وتقبلو تقديري واحترامي اخوكم / فــهــد الــغــريــري,,, |
الاخ العزيز
فهد الغريري يعطيك الف عافيه وتستاهل اكثر يالغالي ورحم الله الشاعر ويسعدني اني اول من تصفح هذه الرائعه |
وانا اقول
من نسى راعي الوفا ( ابو راشد ) ينسى الفريضه= ابو عبد الله يفتخر بك يافهد و يمـاري
رحم الله الشاعر الكبير سليمان الهويدي الاخ العزيز / فهد الغريري ( ابو راشد ) عوايدك الطيبات والجزلات مقبول وقابلك الله وهديتن طيبه و مقبوله وكيف ما اقبلها والمهدي ابو راشد ومن مده طويله ابحث عن ذا القصيده وانت والله جمايلك علي كثير وكثرت وعساني اقدر ارد بعضها وانت راعي الجماله اول وتالي لا خلينا منك و لاعدمناك وجعل شيبان ارثوك الجنه اخوك ومحبك ومغليك ابو عبد الله الشكري |
مشكوووووووور أخوي وماقصرت علئ نقل القصيدة التي البست ثوبها ابو عبدالله
وبصراحة وبصراحة أكثررررررررررررررررر ابو عبدالله مايكفية الشعر كلة عجزت القئ كلمة تناسبة اصلا قواميس العالم لو كلمات المدح الي فيها كلها مدحتة هو اكبر منها بواااااااااااااااااااااااااااااجد وتقبل تحيات محبكــــ : الشكري001 وفي أمان الله |
|
السلام عليكم ورحمة الله وبركاته
الاخ الغالي ابو راشد لاهنت يالقرم ومن كريم لمستحق يستاهل الاهداء ابو عبدالله ونعم بكم ياربعنا شيبكم والشباب بدون مجامله او نفاق اخوكم:عبدالله |
يا سلام عليك يا ابو راشد
قصيدة في قمة الروعه وفيها وصف جميل والله يرحم قايلها ويستاهل ابو عبدالله راعي الذوق الرفيع خالص التحية |
اقتباس:
الغالي ابوعبدالله " سعد المقابله " وافي جعلك تحيى والي الشرف كل الشرف انك تكون اول من زار هذا الموضوع يابوعبدالله وجعلني ماخلا ولا عدم من مرورك العطر تقبل تقديري واحترامي اخوك/ فهد الغريري |
اقتباس:
ارررحب يابوعبدالله والله اني صادق مهما كتبت او خطيت من قلم لن اوفيك حقك ياعشير المناعير دايم سباق للعلوم الغانمه ودايم ردودك جزله وهذا من طيب ساسك يابوعبدالله وتمنيت اني شاعر كي ارد عليك اثني على مقامك العالي ابو عبدالله تسلم ثم تسلم على الكلام الجزل تقبل تقديري واحترامي اخوك / فهد الغريري |
اقتباس:
اررررررررررحب يابوعبدالهادي ابيض وجه ياكحيلان على هذا الرد الطيب والطيب لا يستغرب من هل الطيب شرواك وابو عبدالله يستاهل كل شي قيل فيه جعله المعزه والله لا يهينك على التصفح العطر وتقبل تقديري واحترامي احوك / فهد الغريري |
اقتباس:
ارررررحب يابومحمد والله انك يابومحمد اعجزتني عن الكلام ماذا اقوال في مقامك العالي تصقر الكلامات امامك ايها الشامخ في هذا المنتدى الكريم ومهما كتبت وخطة يميني فلن اصف صفك يابومحمد فأنت علم من اعلام هذا المنتدى الكريم وجعل من ارثك في الجنه يابومحمد تقبل تقديري واحترامي اخوك / فهد الغريري,, |
المراقب العزيز / فهد الغريري تسلم تسلم يالغالي ولا هيب غريبه منك (فالطيب لاهل الطيب طبع وجبله ) ولامن الشكري فهي من كريم لمستحق |
اقتباس:
ارررررحب يابوسعود تراحيب البدو للمطر وبيض الله وجهك على هذا التصفح العطر ومتابعتك لمواضيعي يعنيلي الشي الكثير وعز الله انك من الرجال الي نفتخر فيهم وتقبل تقديري واحترامي اخوك / فهد الغريري,,,,, |
اقتباس:
ابومشنان ارحب واسهل ياذيباااااااان تصفحك لموضوعي يزيده رونق وجمال وجعل من ارثك في الجنه وتقبل تقديري واحترامي اخوك / فهد الغريري,,, |
اقتباس:
الاخ العزيز الواضح ارررررررررررحب تراحيب المطر ياكحيلان وابيض وجه على هذا التصفح العطر وتسلم على هذا الكلام الطيب ياطيب وتقبل مني تقديري واحترامي اخوك/ فهد الغريري,,, |
الساعة الآن 02:28 PM
 |
Powered by vBulletin® Copyright ©2000 - 2026, Jelsoft Enterprises Ltd.
---
