|
قصيده بعنوان ( لـو )
لـو الـمـراجـل مـن بـغـاهـا لـقـاهـا = كـــان الـخـــلايـق كـلـبـوهــم ريـاجــيـل ولـو الـليـالـي كـاشـفـينـن خفاها = ماشــفت ناســن يشــتكون البـهاذيـل ولـو الـخلايـق بالـسـوالـف تبـاهـا = ما كـان بـه جــيلن تفـوق على جــيـل ولـو خشـت عيون المحـبه بـكاها = مــاينـجـــرح حــبـي وحـبـك ولا نــيــل علمت نفسي كيف تحفظ هواها = اذا طـغـا شــوقـي لـدرب الــمـواصـيـل كل الجروح اللي في قلبي نساها = الا جـــروح الـدمـع فـي تـالــي الـليــل جــرب شـقـاهـا مـن يــدور رخـهـا = يـمـسـح دمـوعه والشـمـاته مـنـاديـل يـاوجـد نفـسـي يـامـزود شـقاهـا = وجد الـضـعيف اللي تعرض له السيـل والنـاس حـوله واجـد وفـي رجاها = والسـيل طـاغي والعـرب مابـها حيـل الحـال بـعـدك نـازلـن مـسـتـواهـا = ماغـير انا والـهـم في الحـط والـشـيل والحـال مايمـلـك في كفـه دواهـا = الا انت يامركي على احساسي الويل انت الوحـيد اللي لروحي هنـاها = لاتـلتــفـت لاهــل الحـكـي والاقــاويـل |
رد: قصيده بعنوان ( لـو )
ارحب يابوغانم وصح لسانك ملايين عز الله انك شاعر جزل
|
رد: قصيده بعنوان ( لـو )
أبو غانم صح لسآآنك ملاااايين يالقرم .
لا عدمنا هذا التواجد المميز .. |
رد: قصيده بعنوان ( لـو )
لــــو الـمــراجــل مـــــن بـغــاهــا لـقــاهــاكـــــان الـخــلايــق كـلـبـوهــم ريــاجــيــل.
الله الله صح لساانكـ وـآعـتـلآشآآآنك يَ بوو غــآنـم بيض لله وجهك ع ذآآ القصييدهـ الجزلهـ |
رد: قصيده بعنوان ( لـو )
(علمت نفسي كيف تحفـظ هواهـا اذا طغا شوقي لـدرب المواصيـل
كل الجروح اللي في قلبـي نساهـا الا جروح الدمع فـي تالـي الليـل) (والحال مايملك فـي كفـه دواهـاالا انت يامركي على احساسي الويل انت الوحيد اللـي لروحـي هناهـالاتلتفت لاهـل الحكـي والاقاويـل) ماأجمل تلك المشاعر التي خطها لنا قلمك الجميل هنا لقد كتبت وابدعت كم كانت كلماتك رائعه في معانيها كل الشكر والامتنان على روعهـ بوحـكـ .. وروعهـ مانــثرت اتيت لاقف بين سطورك اتيت لامتع عيني بعذب البوح وجميل الكلام تقبل مروري ^_^ |
رد: قصيده بعنوان ( لـو )
صح السانك
لاهنت لاهنت بارك الله فيك |
رد: قصيده بعنوان ( لـو )
حيه وماجاب
اشهد بالله انك لامست الاحساس نادرة يالنادر صح وربي لسانك حتى ترضى تحياتي،،،،،،،،،،،،،،، |
رد: قصيده بعنوان ( لـو )
صح لسانك يابوغانم وعزالله انك ابدعت يالذيب
تحياتي وتقديري |
رد: قصيده بعنوان ( لـو )
لــــو الـمــراجــل مـــــن بـغــاهــا لـقــاهــا *** كـــــان الـخــلايــق كـلـبـوهــم ريــاجــيــل
صح لسانك يأبو غانم على هذا النص الشامخ تحياتي وتقديري |
رد: قصيده بعنوان ( لـو )
صح لسانك وعز الله إنك شاعر جزل
تقبل تحياتي |
رد: قصيده بعنوان ( لـو )
شآكر لكم مروركم الاكثر من رآئع وعطرتم الصفحة بوجودكم لآهنتو لاخلاء ولا عدم .
|
رد: قصيده بعنوان ( لـو )
اي والله جزل يابو غانم بشاهدة الجميع
صح الله لسانك ومرحبابك في محلك وعز الله انك مكسب تقبل التقدير والاحترام. |
رد: قصيده بعنوان ( لـو )
شاكر لك فارس على المرور الطيب واعذرني على المسباح
|
الساعة الآن 09:02 AM
 |
Powered by vBulletin® Copyright ©2000 - 2025, Jelsoft Enterprises Ltd.
---