الــبــرق لـعـيــون الـمـولــع مـنــاديــب = والـبـيــد لــقــدام الــخـــلاوي ركــايـــب
وارواحــنــا لـهـمــوم بـقـعــا مـعــازيــب = ومــعـــزب الارواح قـــبـــر ونــصــايــب
سبحان مـن يخفـي عـن العالـم الغيـب = وخـلا الوعـد مـن نـازع الــروح غـايـب
كــلً يـسـوق الـرجـل ويــروح ويـجـيـب = احـــدً يـجـيـب بـسـلـم واحـــدً نـهـايــب
واحــدً يجـيـب الـفـود والـعـز والـطـيـب = واحـــدً يـذلــه كـــل مـــا كـــان جــايــب
مـن لا ستـر وجهـه عـن الـذل والعيـب = مــا عــاد يلـقـى لــذل وجـهـه طـبـايـب
ومن لا حمى وجهه قبل طلعت الشيب = محـدن يعوظـه وجــه لا صــار شـايـب
ولا صـار ذكـرك فــوق روس المراقـيـب = خلـك علـى دربـك تـرى الـدرب صـايـب
تصـيـر بعـيـون النشـامـا كـمـا الـذيــب = وفعـيـون عـدوانــك عـطـيـب الـظـرايـب
مـوت الفتـى بـا المرهفـات المحـاديـب = اخـيـر مــن حــيً مــع الـنـاس خـايــب
مــوتً تـبـاكـا لـــه عـيــون الاجـانـيـب = ولا عـيـشـتً تـدعــي علـيـهـا الـقـرايـب
ولــي نـفــوسً مـــا تـــروم المـواجـيـب = ولــــي يـديـنــن مــــا تــســد الـنـوايــب
عذر الردي ما كـل مـن يجهـد مصيـب = عـــود الحـمـاطـة كـاسـرتــه الـهـبـايـب
مــا يخـلـف الهـقـوه طــوال الاشانـيـب = صحـيـح مــن قــال الـمـراجـل وهـايــب
يربى على الشاهوق عكـف المخاليـب = والا الــوطــى يــربــاه بــــوم الـخــرايــب
مــن راقــب العـالـم يـشـوف التعاجـيـب = ومـن طــاول الدنـيـا يـشـوف الغـرايـب
غـيــر الـنـبـي مـحــدً بـلـيــا عــذاريــب = وكــلً عـلـى الثـانـي سـيـولـه جـذايــب
مــا كـامـل الا وجــه جــزل التـواهـيـب = ولا رابــح الا الـلـي مــن الـذنـب تـايـب
كـــلٍ ذنـوبــه تـغــرق الــكــم والـجـيــب = وكــلٍ عـلـيـه مـــن اللـيـالـي مـصـايـب
ليـه؟ الحـسـد والـغـل والـشـك والـريـب = ولـيـه ؟ القطـيـعـه وانـــدلاع الـحـرايـب
يــولــد الاحــقـــاد شـــــذب الـعـراقـيــ = والـحـقـد ســـمً فـــا المـعـالـيـق ذايــــب
شــــرارةٍ مــــن ملـحـقـيـن الـمـشـاهـيـب = مــن ناشـتـه خـلـة ضـلـوعـه حـطـايـب
يومون با الامـواس مثـل القصاصيـب = ذنــبً يـوقــف مـنــه قـطــر السـحـايـب
لـعـل مــن يـفــرح بـشـيـل المشـاعـيـ = ويصـيـر فــي فـرقــا الـرفـاقـه سـبـايـب
تقطـع عـراويـه مــن الــرزق والصـيـب = ويـمـوت مــا تـنـظـر عـيـونـه حـبـايـب
وتصفـى النفـوس ويركـدن المشاريـب = لابـــه ذنـــب عـقــرب ولابـــه نـشـايــب
هــذا بـعـض مـــا علمـتـنـا التـجـاريـب = الـلــي مـــن الايــــام جـتـنــي جــلايــب
لا كـامـل الا وجــه مــن يـعـلـم الـغـيـب = ولا رابـح الا الـلـي عــن الـذنـب تـايـب