ودي اسير صوب لاد الحبيبي = ناوي ولكن ماحصل لي فراغي
ليته يجينا من طرفهم نبيبي = اعلمه في مقصدي ويش باغي
قصدي سلامي وصله يانديبي = على آل شايع ردده بالبلاغي
كسابة(ن) للمدح شب (ن) وشيبي = وافين للمدح مال المدح منهم مراغي
لاجيتهم تنسى همومك تغيبي = مجالس(ن) للكيف فيها يصاغي
ومنهم منافس حجرف(ن) الذويبي= شايع على ماقيل فايح دماغي
ابشر بقول ارحب وصدر رحيبي = وإن قلت عجل(ن) قال بالله لاغي
عندك قراك مفطح(ن) له عصيبي=وبر(ن) عليه معرب السمن ناغي
وجابر مثل جمل حمول الهديبي = لامن ارتكى للحمل ماهوب راغي
للمرجلة يتعب براي(ن) يصيبي = حب التقدم صابغ(ن) به اصباغي
ساسه كرم ماهوب عنه غريبي = طبع(ن) لأهلهم محدن عنه زاغي
وإن كان نار الحرب شبت لهيبي = يدعا بهم سهم(ن) على كل طاغي
لاعصبو بسلاحهم اتعصيبي = يصحون راس اللي من الكبر صاغي
ورث(ن) لهم من ماجد الحبيبي = ربع(ن) على النخوة تحذف الشماغي
تمت بذكر اللي علينا رقيبي = وصلوا على اللي ماعن الحق زاغي

المشاركة الأصلية كتبت بواسطة النداوي1 (المشاركة 642596) صح لسانك ولسان أبو محمد لاهنت على النقل وكفوووووووووو بلاد الحبيبي تحياتي وتقديري

المشاركة الأصلية كتبت بواسطة شافي النتيفات (المشاركة 642690) صح لسانك ولسانه ويستاهلون لاد الحبيبي ما قيل فيهم

المشاركة الأصلية كتبت بواسطة عقاب ال بريك (المشاركة 642836) صح لسان ابومحمد وماهيب غريبه منه الجزاله . . . وتستاهلون يالاد الحبيبي ماقيل فيكم . . . ولاهنت أخوي عبدالله على النقل . . . تحاياي . . .

المشاركة الأصلية كتبت بواسطة عبدالرحمن آل بريك (المشاركة 643040) صح لسان ابو محمد ويستاهلون المصارير ما قيل فيهم . ولا هنت يا عبدالله على نقلها لنا .