|
لــمن هذه الابيآت /
http://www.albdoo.com/vb/albdoo-vb-d.../insaed_04.gif
السلام عليكم يآلرربع هذه الابيات التي سوف اوردها نقولها بالعادة في الاعراس حيث يغنيها الشباب و هي ابيات جزلة و لكن لا ندري من قائلها و لا لاي سبب كانت مناسبتها ارجو من الاخوة و الاخوات الافاضل من يعرف من قائلها و ما المناسبة التي قيلت فيها اخبارنا و اجره على الله و هذه هي القصيدة و لا ادري ان كانت صحيحة على شكلها هذا : يالله يوم تظهر سعدنا كله ................ حيو قوم مشت للدين طلابه راكبن من فوق حرة يذعره ظله........... من شواحيف شطر حيو ركابه هيه و ان جيت فيصل حاكيه و قله ........... ان كان الك لابه حنا لنا لابه لابتي كلها ما تعرف الذله.................. مثل طير انشهر من يد قضابه لابتي حيتن بصدعن اله ................. لمسها هين و السم بانيابه لابتي مثل سيف باليد سله.............. كل ما هويت به يعجبك مظرابه لابتي خيمة و اني عمود اله .......... من ينوش الحبل بالسيف مرطابه |
رد: لــمن هذه الابيآت /
حياك اخوي الكريم
ونتمنى ان تجد الاجابه واظن ان فيه بعض الاخطاء الإملائية الواضحه في الابيات مثل ( حرن يذعره ظله) وليس حره تقبل ودي وتقديري ،،،، |
رد: لــمن هذه الابيآت /
السلام عليكم ورحمة الله وبركاته
اخي الكريم هذه الابيات للشاعر فهد الفويه السبيعي وهذا الشاعر عاش مع قبيلة شمر وهو يعتبر شاعر ال رشيد لدرجة ان اغلب الناس يعتقد انه من قبيلة شمر وله قصائد كثيره للاسف فان اكثر الناس لا يعلمون ان هذا الشاعر الذي عاصر أمراء ال رشيد من محمد بن عبدالله الرشيد (( الملقب محمد المهاد ) ) الي وقت الا مير عبدالعزيز بن سعود الجنازة حيث يذكر اغلب الناس من قبيلة شمر وفي منتديات هذه القبيلة الغنية عن التعريف ان الشاعر فهد الفويه استقر في حائل وكان من المقربين وله العديد من القصائد في مدح شمر وهم يستاهلون وكما قال بعض منهم أن (( كان عظمه سبيع فالحمه شمري)) كما أنه عاصر الشاعر الكبير محمد العوني وهذي بعض من قصائده وهذه قصيده للشاعر فهد الفويه ( عرضه ) : - راكب فوق حمرا تهذل اهذالي ... حرة(ن) تقطع الديان مامونه فوقها واحد(ن) ماهو بذلالي ... دون صبيان حايل لاتعوقونه لاركب شيخهم من فوق مشوالي ... حلو نقل الموازر يوم يتلونه يوم ثار الدخن والعج ينجالي ... والفشق مثل مزن هلت ركونه جوك شمر هل الردات صوالي ... ويل منهو بوجه الربع ياطونه اهل مغيضة يمين وجوك صوالي ... من نوىحرب اخو نوره يحربونه واهل لبده يسار وجمعهم عالي ... عادة راس شيخ القوم يهفونه وآل الاسود مدرب كل ذلالي ... ينثرون الحمر ماعاد يرعونه كتبوا بالبيارق كل جهالي ... شيب عين الذي غلبا يلاقونه دارنا دارنا حنا لك عيالي ... من بغى دارنا بالسيف يهفونه دون حايل نسوق العمر والمالي ... ولجل حايل نشيل الراس ومتونه قصيده فهد الفويه في وقعة ( الصريف ) عام 1318هـ 1901م : - هنيـت منهـو دالـه مـثـل صنـقـور ماهمـه الدمـام واللـي سعـى بــه ولاهمه اللي حطو العصـر بقبـور ولابـكـى بـيـض تـلاعــج عـذابــه ياعـل حالـك يابـو جـابـر بـحـادور ويـاعـل دارك مايـخـضـر جـنـابـه اللـي تعـادي حاكـم البـر وقصـور حرٍ إلى شاف الحبـاري عثـى بـه بالمجمعة عجزوا يشيلون القبور وصاروا رجوم مثل نايف هضابه في غابة يشبع به الذيـب ونسـور والضبعة العرجـا ملـت كـل غابـه وهذه عرضه للشاعر فهد الفويه بعد الإنتصار الكاسح لقبيلة شمر في معركة الجوف : - يانديبي على حمرا ردوم حرة له ثلاث سنين حايل اركبه يا مبشر بالعلوم لم شمر صناديد القبايل قل جرى ساعة تجلا الهموم تبري الكبد من باق الغلايل جاك بن شعلان وجموعه تزوم عبروهم خبيثين الدغايل قام ابو مشعل السبع الضروم صاح بالصوت ياصبيان حايل قالوا العمر ماهو باللزوم سبلوا وركضوا صدق صمايل وردوا ورد قطعان تحوم خلوا الدم فوق القاع سايل وابن هذال والغثيان شوم ذبحنا له كسبنا به نفايل والجنايز غدوا مثل الرجوم وا حسايف عزيزين النزايل حيف ابوتايه راع القحوم ماثنى دون نقاض الجدايل ,,,,,, وهذه قصيده اخرى له- راكب فوق حمرا تهذل اهذالي ... حرة(ن) تقطع الديان مامونه فوقها واحد(ن) ماهو بذلالي ... دون صبيان حايل لاتعوقونه لاركب شيخهم من فوق مشوالي ... حلو نقل الموازر يوم يتلونه يوم ثار الدخن والعج ينجالي ... والفشق مثل مزن هلت ركونه جوك شمر هل الردات صوالي ... ويل منهو بوجه الربع ياطونه اهل مغيضة يمين وجوك صوالي ... من نوىحرب اخو نوره يحربونه واهل لبده يسار وجمعهم عالي ... عادة راس شيخ القوم يهفونه وآل الاسود مدرب كل ذلالي ... ينثرون الحمر ماعاد يرعونه كتبوا بالبيارق كل جهالي ... شيب عين الذي غلبا يلاقونه دارنا دارنا حنا لك عيالي ... من بغى دارنا بالسيف يهفونه دون حايل نسوق العمر والمالي ... ولجل حايل نشيل الراس ومتونه ,,,,,, قصيدة فهد في وقعة ( الصريف ) عام 1318هـ 1901م هنيت منهو داله مثـل صنقـور ماهمه الدمام واللي سعـى بـه ولاهمه اللي حطو العصر بقبور ولابكى بيـض تلاعـج عذابـه ياعل حالك يابو جابر بحـادور وياعل دارك مايخضـر جنابـه اللي تعادي حاكم البر وقصـور حرٍ إلى شاف الحباري عثى بـه بالمجمعة عجزوا يشيلون القبور وصاروا رجوم مثل نايف هضابه في غابة يشبع به الذيب ونسور والضبعة العرجا ملت كل غابـه |
رد: لــمن هذه الابيآت /
يعطيك العافيه أبو سـعود الودعاني على التوضيح .
|
رد: لــمن هذه الابيآت /
http://www.alduwasser.org/vb/images/...t-top-left.gifاقتباس:http://www.alduwasser.org/vb/images/...-top-right.gifhttp://www.alduwasser.org/vb/images/...ot-by-left.gifالمشاركة الأصلية كتبت بواسطة عبدالرحمن آل بريكhttp://www.alduwasser.org/vb/images/...t-by-right.gifhttp://www.alduwasser.org/vb/images/...p-right-10.gifيعطيك العافيه أبو سـعود الودعاني على التوضيح . http://www.alduwasser.org/vb/images/...t-bot-left.gifhttp://www.alduwasser.org/vb/images/...-bot-right.gif ياهلا وغلا الله يعافيك ولغاليك يخليك |
الساعة الآن 04:43 AM
 |
Powered by vBulletin® Copyright ©2000 - 2025, Jelsoft Enterprises Ltd.
---