بسم الله الرحمن الرحيم

السلام عليكم ورحمة الله وبركاته

اضع بين ايديكم هذه الابيات البسيطه

وإن شاء الله تحوز على بعض رضاكم وإعجابكم

يقوووووول و عماركم تطوووول :

ألا يالطروش اللي على دارهم ناوين = امانه معاكم لا وصلتوه قولو له
موصين يمك يا ادعج العين في ثنتين = سلامن كثير وحاجتن وسط مرسوله
عليك السلام اعداد من يقصد البيتين = وعدد من سبح بحر الهوا عرضه وطوله
وعليك السلام اعداد حب الرطب والتين = وعدد ما خذا طير السعد فالسما جوله
انا من عرفتك وانت تسكن بوسط العين = وسويت لك سلطه وعمرت لك دوله
انا في الهوا ناشي وباقي على التمرين = وسم الهوا والهم بادي بمفعوله
الى شفت نوض البرق تطري علي يازين = وانا قول معقوله ولا هيب معقوله
وانا ما علي من حاقد وحاسد و واشين = ما دام ان زماني جاب لي دره ولوله
الا ياهل المعروف جرحي غدا جرحين = ونفسي على الزلات ما هيب مسؤوله
مصير الليالي تجمع الحي بالحيين = وصدت وليف الروح ما هي بمقبوله
نويت اختم الدعوا ولو فالحشا سكين = وسطح القمر عالي وانا ماني بحوله

وسلامة الجميع


أخوكم الشاعر : مسفر المصارير


أبو ناااااايف

تحياتي للجميع

فارس

صح بدنك ولا هنت

شرفني حضورك الجميل

كل التقدير والاحترام

سالم الخضراني

صح بدنك ووجهك أبيض ولا عليك زود

شرفني مرورك الرائع

كل الاحترام