::: مـنتدى قبيلـة الـدواسـر الـرسمي ::: - جديد سلطان المسعري من امريكا

- :: قسم إبداعات شعراء المنتدى ومساجلاتهم :: (http://alduwaser.org/vb/forumdisplay.php?f=17)

- - جديد سلطان المسعري من امريكا (http://alduwaser.org/vb/showthread.php?t=55294)

جديد سلطان المسعري من امريكا

اثناء تصفحي لمنتدى سلطان المسعري وجدت هذه الايات بعد ذهابه لاكمال دراسته بامريكا

واحببت ان انقلها لكم

&&&&

ما فيه شي الذ من دمعة لقا
ولا فيه شي امر من دمعة وداع ..

لا ونهن في محجر العين اصدقا
من بينهن ,, يالله ياكبر الاتساع ..

الاولة تعني : نهايات الشقا
والثانية: كنها توريك الضياع ..

&&&&

قالت اسمع يالغلا جعلني فدوة
لا تسافر قبل لا اجيك واشوفك ..

ما ابي الا شوفت العين من غدوة
كان تعشقني وتسمح لك ظروفك ..

قلت : ياقدوة وحيد" بلا قدوة
لو ما اشوفك شفت فضلك ومعروفك ..

&&&&

انا تغربت مدري وش ورا الغربة
والناس كل" يقول ارجوك لاتسافر ..

واقول ياناس كل حر في دربه
ترا اتجاه الكسل والرزق متنافر ..

بروح لو كان كا القا ما اتصبر به
الناس قبلي وياطا الحافر الحافر ..

لا رحت برجع بعلم" طيب اذكر به
وبروح مسلم وبرجع ماني بكافر ..

وان كاني اخطيت ولا اذنبت فالغربة
بتوب توبة نصوح ,, وربنا غافر ..

&&&&

ابذكرك بالخير مهما تغربت
عساك تذكرني لياغبت بالخير ..

ان غبت عن عيني عن القلب ماغبت
حتى لو انها فرقتنا المقادير ..

الناس واجد بس انا يوم رتبت
انت المعزب ,, والبقية مسايير ..

&&&&&

لولا الامل ماغبت عنكم وقفيت
ولولا طموحي كان ما قلت ابروح ..

ادور السمعة وادور على الصيت
وادور اللي معجز" كلمة البوح ..

بصبر على كثر السهر والتناهيت
ولو ينفتح لي جرح بيسكر جروح ..

&&&&

اتمنى ان تحوز على رضاكم

وافتخر بردودكم