::: مـنتدى قبيلـة الـدواسـر الـرسمي ::: - مساجله شعريه خياليه بين ابن حمير (والذيب .)

- :: قسم الـشعر العــام :: (http://alduwaser.org/vb/forumdisplay.php?f=16)

- - مساجله شعريه خياليه بين ابن حمير (والذيب .) (http://alduwaser.org/vb/showthread.php?t=55128)

مساجله شعريه خياليه بين ابن حمير (والذيب .)

مساجله شعريه بين الشاعر مبارك ابن حمير آل بريك والذيب .

(قال الشاعر

كلا لي السرحان فرق(ن) ومفرود=ولولا حماة الصيد ماكنت اخليه
مقدرك ياذيب من هيبة سعود=ولا الحلال معادل(ن) روح راعيه
يوم السلاح رماح وعصي وحيود=وحلالنا ياذيب محد(ن) طمع فيه
واليوم جينا بين حاسد ومحسود=من قل دينه منه قلت حسانية

(قال الذيب

انا بلاي الجوع ماجيت من زود=ولا انت تجمع لك حلال(ن) تربيه

قال الشاعر:

ابوي خلف لي غناةٍ مع ذود=وابوك ماخلف هريد(ن) يعشيه

(قال الذيب

ابوي عند ابوك بثبوت وشهود=والحق ماله طالب(ن) كود راعيه

قال الشاعر:

حطيتلك غرس(ن) سواقيه قرهود=فاسفل شعيب(ن) ثابت(ن) ملكنا فيه
مابيك تطرد بين رامي ومقرود =ومن كثر العثرات يبطل تحديه
خلك ورى التجار لاصرت بتعود=اللي كثير اموالها ماتزكيه

(قال الذيب

اموالهم في البنك والشيك مرصود=واللي قريب الجد مهيب تعطيه

قال الشاعر:

حول على الرمله على قوم صاهود=قوم(ن) على راع الخطى ماتصافيه
هوامله شجعان ذيدانها سود=بين آل راشد والكرب مرتعه فيه
ربع الحديبي قالو العود مفقود= وغريمهم في خب كثرت نعاويه

وسلامتكم .