السلام عليكم ورحمة الله وبركاته

دره من الدرر الرائعه

لشاعر منصور الجلعود
اتمنى ان تلقى القبول

سلم على اللي تحتشم في لباسهـا=ماخالط لبـاس التبـرج لباسهـا
الدره اللي هديهـا هـدي أحمـد=تموت ماتكشف للأجناب راسهـا
المسلمـه الطـاهـره العفيـفـه=الصادقه المنصحـه مـع ناسهـا
ماتهمها الموضه وصيحات الدجل=اللي على الاسلام صبـت باسهـا
تعلم بان اكثر هـل النـار النسـا=فشامت عن دروب الغوى وأدناسها
ترجي جنان الخلد وجوار ربهـا=مثل آسيـة المؤمنـه وأجناسهـا
فيّا سيدات الطهـر الوقـت كايـد=نجور الفتن قامت تدق اجراسهـا
لايغركن اعـلام هابـط ومنحـل=داس الطهاره والكرامـه داسهـا
شوفـن لحـال المـرأة الغربيـه=ماعاد تميز راسها مـن ساسهـا
بسم التطور قبلكـن صفقـوا لهـا=لاماأعلنت مـع الزمـن افلاسهـا
قامت تضرسها النفـوس الخبيثـه=اللي كشف وجه الزمن أضراسهـا
قالوا لها عيشـي حياتـك طليقـه=وش لك بنظرات الحيا وأتعاسهـا
كبي الحيا ما بالحيا لـك مصالـح=تقرنسـي يـذل لـك قرناسـهـا
تحرري من خدمة الزوج والأهـل=لاما متى نفسك تضيـق أنفاسهـا
ضحكوا عليها بالكـلام الزايـف=داسوا كرامتهـا بقصـد أوناسهـا
حثالت ٍ للجنـس والسكـر غنـت=بسم التطور روسـت مرواسهـا
يوم شحنوها بالتحـرر واقبسـت=تناحشـو عـن وجههـا قباسهـا
قامت تزاحـم للرجـال وقامـت=تغرس غرايسها بغيـر أغراسهـا
نست حقوق الزوج والبنت والولد=صار الجسم واللبس هو هوجاسها
لعيون كسب المال ماهـو لعينهـا=حطوا لها موضات صعب قياسهـا
للبس وللمكياج ولقصـات الشعـر=وللبيت وللـزورات ولأعراسهـا
في كل عام ٍ تنولـد فيـه قصـه=زود ٍ على كلاب الدلع وبساسهـا
وفي كل عامٍ ينزل لباس عـاري=هلست تعـري أربحـت هلاسهـا
وفي كل عامٍ للوجه وجـه آخـر=نمص وابر وأصباغ مع كراسهـا
وفي كل عـام ٍ للاكسـوار دقـه=متخالط ٍ عقـد الذهـب بنحاسهـا
وفي كل عام لعطلة الصيف سفره=امـا بجـو جنيـف أو تكساسهـا
وفي كل عام ٍ للهوا ألف مدرسـه=مديرها يضحـك علـى دراسهـا
كثرة عليهـا هالـدروس العقيمـه=تلولسوهـا وأحكمـوا لولاسـهـا
صارت هي الرجال والابن والمره=ماله جدى ياكود صفق أخماسهـا
في مجتمعها عقب دعوى التحـرر=جتها الحقيقه ساطعـه اشماسهـا
هذا يتحرش فـي جسدهـا وهـذا=بوحل المخدر ناويـن اغماسهـا
وهذا يبيهـا لـه صديقـه وهـذا=يبي يتكسب مـن ورى جلاسهـا
وهـذا يهـددهـا وذا يبتـزهـا=وهذا بعسرات المشاغـل حاسهـا
من عقب ماهـي آمنـه مطمئنـه=ذاقت من كؤوس الدجـل أبئاسهـا
لاديـن لادنيـا ولامـن آخــره=لاصار دين الكفر هـو نبراسهـا
راحت ضحيه لمدعيـن التطـور=من يوم مالبـت نـدى أرجاسهـا