أحدّ يحنّ النّفس و يعيش في الهون=و أحدٍ عزومه في الخضيرا تعلوى
جوه الحجيج و فزّ فرحٍ و ممنون=عسى التّعب لأعداك يا طير شلوى
ياللي على الملّه أمينٍ و مأمون=و كعامها و ان جت على الشّعب بلوى
بإذن الولي نصرك محقّق و مضمون=لقلوبنا ما عنك و شفاك سلوى
يالله ياللي بأمرك الكاف و النون=و لا لنا غيرك ملاذٍ و ملوى
تعافي اللي فزعته غطّت الكون=مكارمه في كل حينٍ تِتلوى
مليكنا الّلي ما نوفّي له ديون=حبّ ابو متعب بالضماير تخلوى
قلته و كل الشّعب في العيد محزون=لا وردْ نشتمّه و لا طعم حلوى