::: مـنتدى قبيلـة الـدواسـر الـرسمي ::: - تم إيقـآف تسجيل الخروج ..!!

*تسجيل دخول*

سجلت في قلبي دخولك على طول
وغنت جروح القلب فيكم نشيده

*كلمة مرور*

وكلمة مرورك جآبهـآ منك مرسول
وبدلتهـآ وارسلت كلمه جديده

*ملف*

واصبح ملفك داخل القلب معزول
وحفظت به من دم قلبي قصيده

* تحرير *

وسويت لك تحرير عن كل مجهول
متوسطٍ بين الخفوق و وريده

*عرض*

وقدمت لك عرضٍ من القلب منقول

لأجل أثبت ان روحك بالضمآير وحيده

*المفضله*

وبمفضلة قلبي عن الغير محمول

ماضفت غيرك ياللي أطبآعك فريده

*الخلف .. الأمـآم*

وللخلف لوترجع ترى الخلف مقفول

رح للأمام وفك صفحه جديدة

*عنوان*

واكتب على العنوان للغير مشغول

حنـآّ سكنـآّ وارسل اللي في بريده

*تسـ ج ـيل الخروج *

ون كآن ودك تترك القلب مشغول

سجل خروج وشّب فيني وقيده

*إيقـآف*

ون شفتني هـآلك على الدرب لآحول

إضغط على إيقـآف واقرا القصيده

*تحديث*

واضغط على تحديث وتشوف مدلول

وكل الكلآم اللي قريته تعيده