ياويلكم ياهـل العقـول السقيمـه= كلٍ يسجـل فـي كتابـه قبايحـه
يكتب على الانسان ماكان يعملـه = كلٍ حصاده مـن نتايـج فلايحـه
كم شايبٍ شيبه على الصح والنقـا = وكم شايبٍ شيبه تغـرك لويحـه
كم واحدٍ غـره زمانـه ووهقـه = على طريق الشر ناحـت نوايحـه
اغنم شبابـك يابـن آدم وقوتك = واعرف لنفسك دام فرصتك تايحه
لاتقضي ايامك على اللعب والجهل = الآخـره دارك ودنيـاك رايحـه
لارحت من دارٍ بتقصـد لغيرهـا = وفيها عملك مسجلٍ في صفايحـه
ان كان فيهـا طيبـات سوابقـك = كل ٍ دعاك وقـام ينحـر ذبايحـه
واللي يقدم كـل عيـبٍ ومهزلـه = حتى على الابواب تنشر فضايحـه
من طاوع الشيطان والنفس والهوى = اصدق صديقٍ مايطاوع نصايحـه
كل ٍ مـن المعبـود ياخـذ كتابـه = اما بـه الخسـران والا ربايحـه

المشاركة الأصلية كتبت بواسطة غـــادهـ بنت ناصر (المشاركة 634567) ,,, صح لسااانك اخوووي ولساان شاعرها ,,, ,,, وكل الشكر لك على روعه هذا النقل ,,, ,,, وتحياتي لك ,,,

المشاركة الأصلية كتبت بواسطة ناصر بن فهد (المشاركة 634574) صح لسانك يا ابوغازي وصح لسان شاعرها , ولاعدمناك

المشاركة الأصلية كتبت بواسطة النداوي1 (المشاركة 634655) صح لسانك ولسان الشاعر ولاهنت على النقل تحياتي وتقديري ~~

المشاركة الأصلية كتبت بواسطة ابوشافي الدوسري (المشاركة 634708) خالد المشاويه ابدعت واجزلت بيض الله وجهك اختيار موفق وصح الله لسان الشاعر المعروف بجزالة شعره / عامر ابن نوطان سجل اعجابي بقلمك ودي وتقديري لشخصك الكريم