::: مـنتدى قبيلـة الـدواسـر الـرسمي ::: - قصيده في الامير تركي بن مران بن قويد

السلام عليكم ورحمة الله وبركاته

قصيدة الشاااعر محمد بن ناصر الغريري
في الامير تركي بن مران ابن قويد

قال منهو يصخر بيـوت المثايـل
وان بغا عسف المثايل ما عصنـه
هاجسي فالمعرفـه عنـده دلايـل
وان بغا صوغ المثايـل طاوعنـه
طاوعنه في مديح اهـل الجمايـل
الشيوخ اللي لهـم سنـه وعنـه
مثل ابـو مـران شيّـال الثقايـل
الاميراللـي المدايـح ماغـونـه
تركي اليا قلـت زيـزوم الاوايـل
ما كذبت ومنطقي مـا فيـه ظنـه
تركي الـي نعتزيبـه فالصمايـل
والمراجل منـه وابعـز اهتونـه
هو ابن مران محمـود الخصايـل
شيخ شمل الدوسري من دون منه
شيخته ما جاتله حيـل او محايـل
جاتله بسيـوف هنـداً مستسنـه
يوم زرق الرمح و رهاف السلايل
ويوم ركب الجيش واملاوا الأعنه
تشهد الريشه و بفعالـن جلايـل
وتشهد ارض المعتلا والصدق سنه
ومثل يومن صار في (واره)شعايل
كم شجاعن خيلهم طـاح اوطنـه
ذا قليلن من فعول اهـل الفعايـل
طـاب ذكـره والليالـي ورخنـه
بصفحتن تجلا عن الكبد الغلايـل
ابفعلن ابيض والليالي مـا محنـه
ايتجدد عـزه فـي كـل الوسايـل
بيـت عـزاً فـي يدينـن ثبتنـه
ذا كلامن معتبـر و الشـك زايـل
بس اعبر عن شعـوراً مستكنـه
عن (جميله) قلتها والراس طايـل
عزوتي تقديرهـا فالقلـب اكنـه
عزوتي لاعـدو رجـال الحمايـل
والوفا مقضب يدينـي واقضبنـه
والتحيـه عـد همـال المخـايـل
من حكيمن منهج لاهل العرف فنه