::: مـنتدى قبيلـة الـدواسـر الـرسمي ::: - لاد هشالٍ يا نعم المحازم والعضود

- :: قسم قصايد مدح وفخـر في الــدواسـر :: (http://alduwaser.org/vb/forumdisplay.php?f=37)

- - لاد هشالٍ يا نعم المحازم والعضود (http://alduwaser.org/vb/showthread.php?t=53661)

لاد هشالٍ يا نعم المحازم والعضود

السلام عليكم ورحمة الله وبركاته

هذه قصيده رد ثناء قالها الشاعر / شافي بن مبارك بن نمر القويسي المخاريم
في بداح بن شافي آل حزام الهواشلة

هاض فكري و المعاني كما ضبيٍ شرود=اقتنصها بالفكر و الفكر عندي سلاح
والشعر وهبه من الله وانا ماني جحود=اشكره واثنّي الشّكر في ليل وصباح
يستحق الشكر ربٍ له العالم سجود=عالم الاسرار مجري ذعاذيع الرياح
ابتدي به واستعيذه من عيون الحسود=وأسأله حسن التوافيق ودروب الفلاح
والقوافي في لزومي تجي كنْها وفود=آخذ الجزلات والهزل مطلوق الصراح
في مديح اللي بدرب العلا دايم يجود=تقصر الابيات في مدح ابو شافي بداح
عن لزومي ماتوخّر وقال ارقا سنود=كل امورك باذن ربي تحقق للنجاح
ساعيٍ في لازمي ما تراخا بالجهود=عادته من جاه ضامي يورده القراح
من رجال في اللقا يا ذيابه يا اسود=للرفيق دوا ولهْل القشر سمٍ ذحاح
لاد هشالٍ يا نعم المحازم والعضود=كاسبين الطيب و الصيت مروين الرماح