ما قلت لك ..
وحدك .. غديت النّور
والباقي ظلام
وانّ السهر ..
لا بانت خيوط الفجر يبدا ينام ..
يتركني بـ روحي
اطيّر من حنيني / لك حمام
وآحمّله شوق وسلام !!
وما قلت لك ..
[ أنت الوحيد
اللي أشوفه ذنب مهما ارتكبته ما أحس انّه حرام ] !

......... وما قلت لك !
ان الـ حنين رماح .. وان الـ غياب أحباب
وان الـ شعر مفتاح .. وان الـ قلوب ابواب




وان الـ نهى / ماله على قلبي دروب
وان الـ حزن فيني بنى / بلدان وهمومي شعوب
وان الـ شعر ما لي غنى / عنّه وعنّه ما أتوب
وان الـ حنين اللي بنا / أطهر مساحات الذنوب




.... وان الشعر ..
مثل الحزن قسمة ونصيب
وان المنافي .. مع مرور الوقت تصبح ديرة أولاد الغريب !
وان الصبر .. مهما يوصّلنا يجي يوم ويغيب
يمكن لأنه مثلنا ؟؟
والا الصبر مل الصبر !
مدري !
ولكن قلت لك !!

......... ما قلت لك !
أشيائي الحلوة / قليل ..
وانك أحد أشيائي الحلوهة القليل !
معاك احس اني / سهر ليلة طوووويل !
ألقى به لـ حزني خليل !
وآحس في صبري حطب وأيّام غيباتك / فتيل ..
مـ ادري متى يجتاحني هذا الملل ؟؟
واحرق من سنين الصبر !!



......... وما قلت لك !
لو جيتني .. مرّة مطر
تلقاني بدوٍ ٍ تنتظر
يستبشرون ..
ان جت مقاديمك تغنّي عن حضورك يمّهم !!
من طهرهم ..
البرق .. في تعريفهم / يعني حياة
والغيم .. صوته / أغنيات
من غبت عنهم .. عايشين بهمّهم
تفرقوا ..
صاروا شتات !
وانت الوحيد اللي تجي وتلمّهم !



......... وما قلت لك !
أشياء (3) باقية ما قلت لك ..
انّك مثل حزني / قدر
وانك مثل ليلي / سهر
وانك عمر ..
والعمر مرّة بِ العمر !

...............................لـ [مشعل بن دهيم]

ولآ أنت واشكرك على المرور
وآسعدني توآجدك

العفوا

يكفيني ردك .!! وتوآجدك الذي عطر هالمتصفح باليآسمين ..
وهلابك يا سالم ولك فالق التقدير

الله يعافيك يا اخوي ابوفهد
ولآهنت على الطله !!