انا موتري صيفي وقيضي ومربــــاعي = ومن كثر مادور تقارع مساميره
ادور ذهيبن ضايع بين الاقطـــــــــاعي = غفال بدون وسوم واتعب مداويره
نديبي على جمس بلا شد وشــــــراعي = لامن سرا من ديرة يصبح بديره
لولا غباره قلت مايلمس القـــــــــــاعي = تعدى الرقوم ومخطر يقطع امبيره
ينصى سعد يومه خبير بالاسنــــــــاعي = ينصيه دار اللي نوده على غيره
على شان قلبه من هوى البيض منلاعي = جرى له غرابيل وصدره عوى زيره
وانا علتي فيها راعي المعرفة ضاعــــي = طبيب الجراحة عجز فيها بتفكيره
على اللي هدب عينه مظاليل ووساعـــي= ضربني برمح ويش يبري مطاييره
ضربني برمح صابني بين الاضلاعــــي = وانا لاضربته طاح رمحي مياسيره
شبيه الغزال اللي من الصوت مرتاعي = يحاوز على الازراج في قلبه الذيره
هزبني بقولة شايب يبغى اوجـــــاعي = شره تناوشني ومني قصر خيره
ترى الحب له قانون واللعب له راعي = معك بالامانه تنشده ويش تفسيره

لــولا غـبـاره قـلــت مايـلـمـس الـقـاعـي = تـعـدى الـرقـوم ومخـطـر يقـطـع امـبـيـره

هزبنـي بقولـة شـايـب يبـغـى اوجـاعـي=شــره تناوشـنـي ومـنــي قـصــر خـيــره
ترى الحـب لـه قانـون واللعـب لـه راعـي=معـك بالامـانـه تنـشـده ويــش تفسـيـره