::: مـنتدى قبيلـة الـدواسـر الـرسمي :::

بسم الله الرحمن الرحيم

السلام عليكم ورحمه الله

هذه رساله مظلوم قالها في حفل تخريج دفعه من الضباظ 1418 هـ

برعايه خادم الحرمين الملك عبدالله بن عبدالعزيز

رئيس الحرس الوطني وولي العهد في ذلك الوقت سابقا حفظه الله ؛

وقد اخذ حقه وعاد الحق الي اصحابه

وقد تعوذ رسولنا الكريم اللهم صلي وسلم عليه

من قهر الرجال

ياهـل العدالـه لأصبـح الـعـدل مـعـدوم =يامحكـمـه فـــي خـلــق ربـــي كـتـابـه
يامطمـنـه راس الــذي يـبـغـي الـــزوم =يـافـزعـه الــلــي راح حــقــه نـهـابــه
يـأمـيـر أنامـظـلـوم مـظـلـوم مـظـلــوم =ظـلـمـا بـــه المـظـلـوم يـشـلـح ثـيـابـه
مـن (؟؟؟)اللـي مـن الخـيـر مـحـروم =مــن مبتداءعـمـره الــى آخــر شبـابـه
يـامـر وينـهـا وكـــل مـاقــال مـخــدوم =ومــن هيـبـتـك يـاسـيـدي لـــه مـهـابـه
وسـوى يابومتعـب مثـل بـاشـة الــروم =ولــــولاك والله مـاحـسـبـنـا حـســابــه
والصبرمرإلـى أصبـح الحـق مهضـوم =والـيــوم حـقــي هاضمـيـنـه عـصـابـه
عـصـابـة لوتنـبـحـث عـنـدهـا عـلــوم =فـيـهـا الخـيـانـه والـــرداء والـخـيـابـه
شـلـةحـرامـيـة وســرقـــان ورخـــــوم =تنـقـل لـنـا الأمــراض مـثــل الـذبـابـه
أنجس مـن الفيـران وأروح مـن الثـوم =ومـلـيـون غـسـلـه مـاتـزيـل الـجـنـابـه
خـــوان عــهــد الله لـلـشــر زيــــزوم =أصـبـح دمــار الــدار فـــار الـخـرابـه
نصب بمنصب وأصبح الصبح منجوم =ضـعـيـف عـقــل وســـاس مايقـتـدابـه
يكذب ويـظـلـم باسـمـكـم ظــلــم مـعـلــوم =وأصـبـح يابومتـعـب عـزيــز جـنـابـه
وظـلـم مــن الجـاهـل يعـالـج ومـذمـوم =وظلـم مـن العالـم يضـيـع الــدواء بــه
والـيـوم هـــو الـيــوم مـابـعـد هـالـيـوم =كـــل عـلــى يـمـنـاك يـاخــذ حـسـابــه
وأنت الحكم فالشعب والشعـب محكـوم =والـظـلـم مـاتـرضـاه والـلــي سـعـابــه
فأن كنت أنـا كـاذب فـلا منـك مرحـوم =تقـطـع لسـانـي وتربـطـه فــوق بـابــه
وأن كنت أنا صادق نبي منـك مرسـوم =بطـردة ردي الـسـاس راس العصـابـه
وتشتيـت شمـل مجمعـة شــر وهـمـوم =علـى الوطـن وأهـل الوطـن والقـرابـه
وقـت الـلـزوم رخــوم ماتنـطـح الـقـوم =وقـت الرخـاء شجعـان مـا نـت نجابـه
دكـاتــره فـالـكـذب والـســرق والـنــوم =ثعالـب أمـس والـيـوم صــارت ذيـابـه
ولـو أزعـج الأصـوات مـانـي بملـيـوم =شـفـت الـــذي يـامـيـر مـاحــدٍ درابـــه

مـــــع تـــــحـــيــــات

فـــــــــــارس الــفـــرعــــــــــــه