يــاهــاجــس الــشــعــر وقــــــف لاتــعــدانـــي=لـــي فـيــك لآزم ولـــي رغــبــه ولــــي نــيــه
لاجـيــت أبـــو شـايــع المـنـعـور حــورانــي=ســلــم عــلـــى حـضــرتــه والــلـــي حـوالــيــه
وقـلـه تــرى مـنـذر أبـــن رشـــود وصـانــي=عــلــيــك بـــالــــذات يـــاريــــف الــجــلاويـــه
يــقـــول بــلــغــه مـايـنــطــق بــــــه لــســانــي=بـــيـــوت شـــعـــر" عـــلـــى وزن" وقــافــيـــه
من صادق أحساسي وشوقي و وجداني=تــزفــهــا لأبــــــن شـــايـــع حـــــــي طـــاريــــه
مـــن نـســل قـــوم" تــوطــي كــــل قـومـاني=فـريــس حــــرب" وأهــــل وقــفــات وحـمـيــه
ربـعـي مــلاذ الضـعـيـف ومـزبــن الـجـانـي=آلاد شـــكـــر" نـــهـــار الـــهـــوش والــهــيــه
عــاداتـــنـــا لاقــــبــــس بــالـــجـــو دخــــانــــي=يــانــصــر مــحــتـــوم يــامــوتـــه جـمــاعــيــه
يـشـهــد لــنــا كـــــل قـــــوم وكـــــل مـيــدانــي=مـخـضـبــة حـــــد ســـيـــف وحــــــد جـنـبــيــه
يـــاويـــل مـــنــــا نـــديــــد" لـــــــه وعـــدوانــــي=يـصـبـح لــــه بـكـيــه ويـمـســي لــــه بـكـيــه
لامـــــن ركـبــنــا عــلـــى ربــــــدا وربـــدانـــي=مــاهــمــنـــا جــــمـــــع خـــيـــالـــه ورجـــلـــيــــه
نـبـطــش عــدانــا وكــــن الــضـــد مـاكــانــي=ولاراح مــــــن ضــربــنـــا لا ذي ولا ذيـــــــه
يسـتـاهـل الــعــز والـنـامــوس مــــن دانــــي=رجــــل" بـــــذل مــالـــه ونــومـــس عــزاويـــه
فـالـمــركــز الأولــــــي مـــاهــــوب فـالــثــانــي=أسـمــه طــلــع والـقـلــوب الــســود مـكـويــه
حـسـن عـلـى الـفــردي ألاول وقـــد بـانــي=عـقــبــال مــايــاخــذ الأول عـــلـــى الــمــيــه
هـــذا وشـــوف الـجـهـام الـســود يشـعـانـي=مــن شـفـت ذودك عـلـى بـــث الفضـائـيـه
وأنــــا مــراهــن عـلـيــك وكــاســـب رهــانـــي=والـلــي يـتـحـدى يـــدوس الـجـمــره الـحـيــه
أقـولـهــا وأفـتــخــر فـــــي ســـــر وأعــلانـــي=أبـلــك مـــن أفـضــل حــلالــن فالـسـعـوديـه

المشاركة الأصلية كتبت بواسطة خميس الغييثي (المشاركة 612691) صح لسان الشاعر منذر بن رشود وقيلت في رجال يستاهل لاهنت يابوحمد على النقل الرائع

المشاركة الأصلية كتبت بواسطة ماجد فهد بن فريج (المشاركة 612694) صح لســأن الشاعر منذر الشكره .. ويستاهل الشيخ حسن بن شايع . كل ماقيل فيه واكثر وابو هذال علومه غانمه تنومسنا افعاله و تحقيقه مراكز الاولى في مزاينات ام رقيبه ولاهي غريبه على حفيد كريم سبــلأ ابو حمد بيض الله وجهك ,ومشكور

المشاركة الأصلية كتبت بواسطة خالد المشاويه (المشاركة 612697) صح السان الشاعر منذر ابن رشود ويستاهل راعي فزاعه كل خير ولاهنت يابوحمد والله يعطيك العافيه جزيل الشكر والتقدير

المشاركة الأصلية كتبت بواسطة ابو فهد الرجباني (المشاركة 612964) عاداتنـا لاقبـس بالجـو دخـانـي* يانصـر محتـوم ياموتـه جماعيـه صح السان بن رشود ويستاهل حسن بن شايع ويعطيك العافية يابو حمد على عرض القصيدة تحياتي وتقديري~ْ،