|
سند وابوه والطير
سلام من الله عليكم وش حالكم يا بني عمي هذي سالفه لسند وابوه محمد بن حفيظ راح سند بن حفيظ يغزي ويتكسب ويوم هو معود من مغزاه لقا ذاك الطير الحر اللي فز قلبه عليه وقال ان الله قال اني لا اصيده واعطيه الشايب يقنص فيه ويستانس عليه يعني بيهديه لبوه محمد بن حفيظ الله يرحمهم جميع ويسكنهم جنته ووفقه الله وصاد ذاك الطير الحر النادر اللي كل من شافه فز له ويطيحه على يده ويهديه لبوه محمد وفرح ابوه بالهديه من سند واغلا الطير من سبة راعي الطير اللي صاده ان اللي مهديه سند وخابر انه يغليه من غلاته ويقوم الشايب كل ما هد ذا الحر في وقت الهداد يصيد له من ذا الحباري والارانب وهديتن طيبه من رجال اطيب من الهديه لرجال يستاهل اكثر المهم ذاك اليوم راح يتكسب سند مع الشكره ، ويسير ذاك الرجال عليه وشاف الطير وفز قلبه قال ذا الطير لقصيري عجمي وودي انك تعطينيه وارده لقصيري العجمي قال يا رجال مهب للعجمي قصيرك خابر ما عنده طير لكن شفت يوم جيتني وتقول انه للقصيرك العجمي اخذه وعطهياه وانتبه لا يشوفك سند والطير معك والله ان تغدي علوم ولا احد فاكه منك واني علمتك وعقب ما راح الرجال تهيظ محمد على الطير مهب من غلا الطير لكن من غلاة اللي اهداه له الطير مير وش يسوي ما يبي المنقود وقال ذا القصيده
ياطيري اللي فايز به وغاذيه =متبجح به في ليال الهدادي ياما حلا تحت الشهيبا نناديه =في سيل براق مخاله حشادي من يوم جاني مدعث ثاير فيه =جعله عقاب يضربه في الثنادي ماني بمن ذم ابن عم يباريه =ولا يعرف المخطيه من القوادي وجعلكم تسلمون جميع |
لاهنت يا لاد شكر على القصة والقصيدة الطيبتين والله يرحم الأمير محمد بن حفيظ وابنه سند ويسكنهم فسيح جناته واموات المسلمين
تقبل تحياتي،، |
مشكور وماقصرت يابن العم علئ القصيدة والقصة وماقول غير لاشلت يمناك
وتقبل تحياتي |
المحترم هايف العماني يمناك جعلها سالمه يوم عدلتنت الموضوع والقصيد وماتقصر
جعل الشر يقصر عنك ومرحبا بك يوم مريتنت على الموضوع |
المحترم الشكري جعل يقصر حبل عدوك ولا شلت يمناك ومرحبابك يوم مريت على الموضوع
|
الله يرحمهم ويسكنهم الجنه لاد شكر تسلم على القصه والقصيده لاهنـــــــــــت |
لاهنت يالاد شكر على ذالقصه
والقصيده والله يرحمهم برحمته اتحفنا بجديدك تحياتي لك-- |
بيض الله وجهك يا لاد شكر على القصة والقصيدة الطيبتين
والله يرحم الأمير محمد بن حفيظ وابنه سند ويسكنهم فسيح جناته. تقبل تقديري واحترامي اخوك / فهد الغريري |
تسلم يمينك
وبيض الله وجهك على هسالفة الطيبة والله يرحمهم ويسكنهم فسيح جناته |
السلام عليكم ورحمة الله وبركاته
لاهنت يالاد شكر واشهد ان محمد جاب رجال الله يبيح منهم كلهم اخوك:عبدالله |
الله لا يهينكم جعل شيبان ارثوكم الجنه
تسلمون على الرد الطيب |
الساعة الآن 07:37 AM
 |
Powered by vBulletin® Copyright ©2000 - 2025, Jelsoft Enterprises Ltd.
---