|
عسى أن تنال إعجابكم
السلام عليكم ورحمة الله وبركاته ،،، مــــنــــقــــولــــه القصيدة مناسبتها والله العالم ان الشاعر اعار ناقته لاحد الرجال يسني عليها فلم يردها وجعلها وديعه عند اهل الباديه فلما اجدبت الارض وخشى هلاكها باعها فلما وصل الخبر الى شاعرنا بعث بقصيده الى رجل شهم من الوداعين لانه كان كفيلاً ليسعى له بإعادت ناقته وعم بالخطاب الدواسر وقال هذه القصيده:
ياراكب من فوق طلق الذراعيــن=يطوي مسير اليوم في قدر ساعــــه مرباه في الظفره بلاد النسييـــن=ويعجبك في الارض السماح ارتباعـه يافاطري يالي ثمنها ثلاثيــــــــــن=الي تهاوي للجمل بأندفاعـــــــــــــه ياما رعت من مربى زاهره زيــــن=وميرادها عد تعاون سباعــــــــــــــه يافاطري عجي قصور الوداعـــين=حني حنين كل من سمع راعــــــــه وثني حنينك عند قصر الخماسين=واخص عبد الله صبي الوداعـــــــــه وعندما وصلت القصيده للوداعين ارسلو ناقه عـِوض عنها وقصيده من الشاعر مبارك الودعاني يقول فيها:
يالله ياجزل العطا مرقب العيـــــن=يا ابا الجمايل منك نرجي الشفاعه انك تزينها وتضهر على الزيـــــــن=وترفه مقام الي رفيعٍ شراعـــــــه مبارك بدع قاف يشوق المغنيـــن=صعب القوارع ذلله لين طاعـــــــــه تلقى لنا شيخ وراعي نباء زيـــــن=محمد ولد هادي طويل ذراعـــــــه ماراعنا المدفع وقبس العثاميـــن=ولاطار من زين الوصايف قناعــــــه من جدنا في فزعة البقع مرسين=وكم شيخ قوم حط فوقه شباعـــه يرسخ بنا غرس كما ربخ التيـــــن=ما احلى تقاود دبسها واتباعــــــــه مــــنــــقــــولــــه وســـــــــــــــلامـــتـــكـــــــــم ،،،، |
السلام عليكم ورحمة الله وبركاته
لاهنت يالجعيدي وماقصرت على النقل واظن القصيده التي ردوا بها الوداعين على ابن هادي امير قحطان تقبل خالص الود اخوك:عبدالله |
لاهنت اخوي الجعيدي على القصايد واظن انها اطول وهي موجوده بقسم بقصة وقصيدة على ما اعتقد
تقبل تحياتي،، |
أخواني النشاما عبدالله الصخيبري و هايف العماني : آسف جداً على التأخير في الرد عليكم،، يشهد الله أنه الوقت غير كافي.
تسلم يمانيكم ،،، و بيض الله وجيهكم ،،، ولا شكر على واجب ،،، و رفع الله مقداركم و أعز شآنكم يالنشاما. مرة أخرى أكرر اعتذاري وآسفي على التأخير. وتقبلوا خالص التحيات،،، أخوكم/ الجعيدي الدوسري |
الساعة الآن 09:03 AM
 |
Powered by vBulletin® Copyright ©2000 - 2025, Jelsoft Enterprises Ltd.
---